Nikso (luno)

Nikso (Plutono II) estas natura satelito de la nanoplanedo Plutono. Ĝi estis malkovrita, kun la alia luno Hidro, dum junio 2005, per la kosmoteleskopo Hubble. La malkovrintan teamon konsistigis Hal A. Weaver, S. Alan Stern, Max J. Mutchler, Andrew J. Steffl, Marc W. Buie, William J. Merline, John R. Spencer, Eliot F. Young kaj Leslie A. Young.

Nikso
Satelito  de Plutono
astronomia simbolo
Arta bildigo de la satelitoj de Plutono. Arta bildigo de la satelitoj de Plutono.
naturaj satelitoj de Plutono
Aliaj nomoj	S/2005 P 2 vd
Astronomia simbolo	vd
Nomita laŭ	Nikso vd
Malkovro
Malkovrintoj	Pluto Companion Search Team
Dato de malkovro	15-a de junio 2005
Loko de malkovro	Kosmoteleskopo Hubble vd
Orbitaj ecoj
Granda duonakso	48 708 km
Discentreco	0,0030
Klinangulo	0,195°
Periodo	24,856 ± 0,001 tagoj
Fizikaj ecoj
Diametro	46-136 km
Maso	5×1016 – 2×1018 kg
Atmosferaj kaj surfacaj ecoj
Surfaca temperaturo	Inter 33 kaj 55 K
Albedo Geometria albedo	Inter 0,04 kaj 0,35 0,35 vd
Observaj ecoj
Videbla magnitudo - Minimuma - Maksimuma	23,38 vd 23,7 23,38
v • d • r

Ĝia oficiala nomo devenas el tiu de Nikso, diino de la nokto kaj malhelo laŭ la helena mitologio, kaj ankaŭ patrino de Ĥarono. La nomo estis anoncita per la cirkularo 8723 de la Internacia Astronomia Unio, per kiu la luno ankaŭ estis oficiale numerita Plutono II. La inicialoj de Nikso kaj Hidro memorigas pri tiuj de la usona kosmoesplorilo New Horizons, kiu vizitos la sistemon de Plutono dum 2015.

Historio

Nikso estis malkovrita en fotoj faritaj la 15-an kaj la 18-an de majo 2005; ilin malkovris, sendepende unu de la alia, Max J. Mutchler (la 15-an de junio 2005) kaj Andrew J. Steffl (la 15-an de aŭgusto 2005). La malkovro estis anoncita la 31-an de oktobro 2005, kaj la du lunoj ricevis la provizorajn nomojn S/2005 P 1 (Hidro) kaj S/2005 P 2 (Nikso).

Orbitaj ecoj

La orbito de Nikso estas cirkla, kaj samebena al tiu de Ĥarono. Ĝia revolua periodo, 24,9 tagoj, estas preskaŭ kvarono de tiu de Ĥarono; la du kvantoj tamen malsamas je 2.7%, tiel ke ne eblas postuli aktivan resonancon.

Fizikaj ecoj

Kvankam la diametro de la luno ne rekte mezureblas, ĝi supozeble valoras inter 46 kaj 137 kilometrojn, depende de la surfaca reflektiveco - ĉu simila al tiu de Ĥarono (35%), ĉu al tiu de la plej malhelaj kujperzonaj objektoj. Nikso ŝajnas esti malpli hela ol Hidro, kio supozigas, ke ĝi estas malpli granda.

En la malkovriga foto, Nikso estis 6300-oble malpli hela ol Plutono.

Vidu ankaŭ

Portalo pri Astronomio

• Kategorio Nikso (luno) en la Vikimedia Komunejo (Multrimedaj datumoj)

• Naturaj satelitoj de Plutono