Natria sorbato

Natria sorbato, sorbato de natrio aŭ C₆H₇NaO₂ estas organika salo de natrio kaj sorbata acido, blankaj kristaloj tre solveblaj en akvo kaj identigitaj kiel nutro-aldonaĵo E201, kun proprecoj baktericidaj, antimikobraj kaj inhibanto de mikroorganismoj. Pro ĝia fiziologia inerteco, ĝia efikeco eĉ en malforte acidaj medioj kaj ĝia neŭtrala gusto, sorbata acido kaj ĝiaj saloj fariĝis reliefaj konservantoj en la nutro-sektoro en la tuta mondo dum la lastaj 30 jaroj.^[1]

Natria sorbato

Kemia strukturo de la
Natria sorbato

3D Kemia strukturo de la
Natria sorbato

Blankaj kristaloj de
natria sorbato

Alternativa(j) nomo(j)

Natria salo de sorbata acido

C₆H₇NaO₂

Fizikaj proprecoj

Aspekto

Blankaj kristaloj

Molmaso

134,10835 g mol⁻¹

Smiles

C/C=C/C=C/C(=O)[O-].[Na+]

Bolpunkto

233 °C (451 ℉; 506 K)

Nutro-aldonaĵo

E201

Merck Index

15,8847

GHS etikedigo de kemiaĵoj

GHS Damaĝo-piktogramo

GHS Signalvorto

Averto

GHS Deklaroj pri damaĝoj

H302, H315, H319

GHS Deklaroj pri antaŭgardoj

P102, P234, P305+351+338, P301+330+331, P315

Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo
(25 °C kaj 100 kPa)

La reakcieco de la sorbatoj en nutro-sistemoj povas influi ĝian aktivecon kiel antimikroban agenton samkiel la sekurecoj de la produktoj. Sorbatoj ĝenerale estas pli solveblaj en akvo, dum la sorbata acido prezentas solveblecon pli altan en lipidoj ol akvo.^[2]

La sorbatoj estas la superherooj en la historio de manĝokonservado. Sengustaj, senodoraj kaj sen flankaj efektoj, ili vaste uzatas en nutro-industrio. Ili malpermesas ke bakterioj kaj gistoj ekkresku en multaj nutraĵoj. Pro tio ke ili estas efikaj kaj netoksaj, sorbatoj uzatas en pluraj variaĵoj de nutraĵoj inklude de fromaĝoj, saŭcoj, jogurtoj, acidkremoj, panoj, tortoj, margarinoj, farĉoj, salatoj, kondimentoj, ktp.^[3]