Muntovitro

Muntovitro^[1] aŭ lameno^[2] estas maldika, plata vitraĵo portanta objekton por ekzameno per mikroskopo.

Muntovitroj

Priskribo

Oftaj grandoj de muntrovitroj

Muntovitro estas travidebla vitra plato tre maldika (tipe ĉ. 1 mm dika). Jen oftaj, normaj grandoj de muntovitroj:

• 75 mm × 25 mm aŭ 76 mm × 26 mm. Plej ofta.
• 75 mm × 38 mm.
• 76 mm × 51 mm. Ofta en geologio.
• 46 mm × 27 mm aŭ 48 mm × 28 mm. Por mineralogio.

Uzo

Tipe, oni muntas la objekton mikroskope observotan sur la muntovitron, kovras ĝin per kovrovitro, kaj enmetas la tuton (muntovitron, muntiton, kovrovitron) en la mikroskopon. Tio ebligas facilan enmeton kaj forigon de objekton en aŭ de la mikroskopo.

Oni povas skribi sur la muntovitron (kune kun la muntiton) por identigo, transporto, kaj depono. Ofte, muntovitro havas blanke kovritan flankan parton, sur kiun oni povas facile skribi.

• 
  Muntovitro de specimeno el paciento de ĥolero, farita en 1855
• 
  Muntovitro de Neubauer, por biologia uzo
• 
  Muntovitro kun sango
• 
  Muntovitroj por medicina uzo
• 
  Muntovitro de plathelminto

Referencoj

1. “munt/o/vitr/o”, Plena Ilustrita Vortaro de Esperanto 2020 (esperante).
2. “lamen/o”, Plena Ilustrita Vortaro de Esperanto 2020 (esperante).

Eksteraj ligiloj

• Kategorio Muntovitro en la Vikimedia Komunejo (Multrimedaj datumoj)

• Connett, Jess (2017-10-04). “The art of the invisible”, B24/7 (en). 

Vidu ankaŭ

• Kovrovitro
• Petri-plado