Malnovurba Urbodomo

Malnovurba Urbodomo (ĉeĥe Staroměstská radnice) estas konstruaĵo ĉe la Malnovurba Placo en Prago, kies starigon garantiis al la malnovurbanoj la 18-an de septembro 1338 la reĝo Johano de Luksemburgio. Kerno de tiu ĉi nehomogena komplekso estas frugotika Domo de Wölflin, adaptita post 1338 por servi kiel urbodomo. En 1364 oni konstruis sur romanika fundamento la turon kaj en 1381 finkonstruis la balkonkapelon (la turo ebligas ĉarman ĉirkaŭrigardon): La novgotika parto de la Urbodomo, konstruita laŭ projekto de la vienaj arkitektoj P. Nobile kaj P. Sprengler (1838-1848), estis detruita dum la maja revolucio en 1945. Unu el la plej rimarkindaj aĵoj de la Urbodomo estas astronomia horloĝo de Prago.

Malnovurba Urbodomo
Staroměstská radnice
Rathaus muzeo
Bazaj datoj
Konstrustilo	Gotika arkitekturo vd
Lando	Ĉeĥio vd
Situo	Malnova Urbo
Adreso	Staroměstské náměstí 1/3
Situanta sur	Malnovurba Placo • U radnice
Situo
Geografia situo	50° 5′ 14″ N, 14° 25′ 14″ O (mapo)50.08710830555614.420606888889
Malnovurba Urbodomo (Prago) DEC Situo de Malnovurba Urbodomo
Malnovurba Urbodomo
Posedata de	Prago vd
Retejo	https://www.prague.eu/staromestskaradnice
v • d • r

Malnovurbo Urbodomo (maldekstre)

La urbestra domo kaj la Malnovurba placo ofte estis scenejo de gravaj eventoj de la historio. En 1458 ĝia salonego vidis la elekton de Georgo de Poděbrady por reĝo de Bohemio. La plej tragedia dato en la historio de la urbodomo estas sendube la 21-a de junio 1621, kiam sur ekzekutejo, starigita en ĝia fronto, oni senkapigis 27 bohemajn nobelojn kaj urbanojn, kiuj estis gvidintaj la ribelon kontraŭ la katolika Habsburgo, imperiestro Ferdinando II.

• Kategorio Malnovurba Urbodomo en la Vikimedia Komunejo (Multrimedaj datumoj)