Majo no takkyūbin
From Wikipedia, the free encyclopedia
Majo no takkyūbin (japane: 魔女の宅急便, [maĵono takjubin], laŭvorte: "Eksprespoŝto per sorĉistino") estas japana animacia filmo de Studio Ghibli publikigita en 1989.
| "Eksprespoŝto per Sorĉistino" | |
|---|---|
 | |
| animea filmo • movbilda filmo | |
| Originala titolo | 魔女の宅急便 [Majo no takkyūbin] |
| Produktadlando | Japanio |
| Originala lingvo | japana lingvo |
| Kina aperdato | 29 jul. 1989, 23 maj. 1998, 31 mar. 2004, 1989, 29 jul. 1989 |
| Daŭro | 102 minutoj |
| Ĝenro | animeo |
| Kameraado | Jūrō Sugimura |
| Reĝisoro(j) | Miyazaki Hayao |
| Produktisto(j) | Miyazaki Hayao • Tōru Hara |
| Scenaro | Miyazaki Hayao |
| Muziko de | Joe Hisaishi |
| Produktinta firmao | Studio Ghibli |
| IMDb | |
La reĝisoro estis Hayao Miyazaki. La muzikon por tiu filmo komponis Joe Hisaishi.
La 13-jaraĝa junulino Kiki estas posteulo de sorĉistinoj kiel sia patrino, kaj devas nun foriri de siaj gepatroj kaj vivi sole dum unu jaro en fremda urbo por iĝi vera sorĉistino. La filmo rakontas la adventurojn de Kiki, kiam ŝi fariĝas memstara.
- Kiki (jap. キキ [kiki])
- La 13-jaraĝa knabino Kiki estas la protagonisto de tiu filmo. Ŝia sorĉa talento estas de flugi sur balailo, kaj nun ŝi devas lerni memstarecon kaj memfidon.
- Jiji (jap. ジジ [ĵiĵi])
- La nigra virkato de Kiki, kun kiu Kiki povas komuniki.
- Ursula (jap. ウルスラ [urusura])
- Pentristino, kun kiu Kiki amikiĝas. Estas kiel malplijuna fratino por Kiki.
- Tombo (jap. トンボ [tombo])
- Junulo kies revo estas de flugi kiel birdo.
- Osono (jap. オソノ [osono])
- Ĝentila bakistino en kies domo Kiki trovas novan hejmon.
- Altaĝulino (jap. 老婦人 [rofuĵin])
- Ĝentila klientino de Kiki, kiu vivas kun alia altaĝa virino en granda domo.
- Patrino de Kiki (jap. キキの母 [kiki no haha])
- Sorĉistino specialita por fari kuracilajn pociojn. Ŝi kaj ŝia edzo malkvietas pri Kiki kiel normalaj gepatroj.
La filmo "Majo no takkyūbin" aperis en la japanaj kinejoj en 1989, en la jarfino de 1989 ĝi aperis ankaŭ en LD kaj dum multaj jaroj estis konata kaj fama nur en Japanio. En 1998 tiu filmo aperis ankaŭ en Usonaj kinejoj sinkronigitaj de la Studioj de "Disney" kaj poste aperis en DVD. La filmo estis la unua de Studio Ghibli aperinta sub la "Ghibli" kaj "Disney" kontrakto. Poste la filmo estis voĉtradukita en multajn lingvojn.
| lingvo | titolo | signifo | |
| angla | Kiki's Delivery Service | (la) livera servo de Kiki | |
| ĉeĥa | Doručovací služba slečny Kiki | (la) livera servo de fraŭlino Kiki | |
| finna | Kikin lähettipalvelu | (la) kuriera servo de Kiki | |
| franca | Kiki la petite sorcière | Kiki, la malgranda sorĉistino | |
| germana | Kikis kleiner Lieferservice | (la) malgranda livera servo de Kiki | |
| hispana (hispanujo) | Nicky, la aprendiz de bruja | Nicky [=Kiki], la sorĉista trajnatino | |
| hispana (ameriko) | Kiki, entregas a domicilio | Kiki, liveroj al loĝejo | |
| itala | Kiki consegne a domicilio | Kiki liveras al loĝejo | |
| japana | 魔女の宅急便, Majo no takkyūbin | eksprespoŝto per sorĉistino | |
| kroata | Kikin servis za dostavljanje | (la) kuriera servo de Kiki | |
| korea | 마녀 배달부 키키, Manyeo baedalbu Kiki | Kiki, sorĉa liverstino | |
| normĉina | 魔女宅急便, Mónǚ zháijíbiàn | sorĉistina eksprespoŝto | |
| sveda | Häxans budfirma | (la) ordon-firmao de la sorĉistino | |
| taja | แม่มดน้อยกิกิ mea mot noi ki ki | la eta sorĉistino Kiki |
En 1989 en Japanio aperis ankaŭ la kolorplena kvar-voluma filmkomikso pri Majo no takkyūbin eldonita de Tokuma Shoten.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
