From Wikipedia, the free encyclopedia
Litamo (en araba: لِثَام, translit. DMG lithām, foje prononcita lifam), ankaŭ alilingve litham aŭ tagelmust (Tamasheq, la homoj de la vualo) sed ankaŭ konata kiel cheich (ŝeŝo) aŭ en la berbera : cheche aŭ éghéwed) estas lin-vestaĵo el tinkturita kotono ofte en indigo sed nuntempe ankaŭ en aliaj koloroj, iel inter turbano kaj vualo. Ĝin portas tuaregaj kaj beduenaj viroj en diversaj ŝtatoj de okcidentafriko kaj povas esti ĝis 15 metroj longa[1].
La litamo trovis praktikan uzadon en la Saharo, ĉar ĝi ne nur protektas kontraŭ la suno kaj sablo, sed pro la vualo, malhlepas la enspiradon de sablo (precipe dum sabloŝtormoj)[2]. Tuaregoj vidas en ĝi idealon de beleco kaj kredas ke Indigo subtenas la sanon de tiu kiu portas ĝin; haŭto[3]. Kune kun la litamo oni ĉiam portas longan pantalonon, ĉar oni konsideras ke la du vestaĵpecoj estas fratoj (proverbo de la Tuarego).[4]
La litamon oni turbanstile envolviĝas ĉirkaŭ la kapo kaj depende de la longeco ĝi ankaŭ estas ligita al iu socia prestiĝo aŭ festa karaktero : ju pli grava personeco des pli longa kaj je pli longa, ankaŭ despli festa.
Kulture la litamo aperas ankaŭ inter aliaj etnaj grupoj kiel ekzemple la Haŭsoj aŭ la Sonhajoj. En la hodiaŭa tempo, aliaj koloroj ol Indigo regule ekaperas. La novaj generacioj de Tuaregoj (Ishumar) ankaŭ portas helajn kolorojn kiel ekzemple flava, ruĝa, turkiso, rozkolora, oranĝa kaj verda.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
