Lermo (Burgoso)

Lermo estas urbo en Burgoso (Hispanio). Villa Ducal de Lerma (Duka Vilaĝo) estas alia nomo de la municipo, kodo INE-194. Ĝi troviĝas en la jurisdikcio de Lermo, distrikto Arlanza , provinco Burgoso, regiono Kastilio la Malnova, nuntempe memstara komunumo, kiel nomiĝas en la aktuala Hispanio la regionoj, de Kastilio kaj Leono.

Lermo
municipo en Hispanio vd
Flago	Blazono
Administrado
Poŝtkodo	09340
En TTT	Oficiala retejo [+]
Demografio
Loĝantaro	2 556  (2024) [+]
Loĝdenso	15 loĝ./km²
Geografio
Geografia situo	42° 2′ N, 3° 45′ U (mapo)42.026388888889-3.7555555555556 [+]
Alto	849 m [+]
Areo	166 km² (16 600 ha) [+]
Horzono	UTC+01:00 [+]
Lermo (Kastilio kaj Leono) DEC Situo de Lermo
Lermo (Hispanio) DEC Situo de Lermo
Alia projekto
Vikimedia Komunejo Lerma, Burgos [+]
v • d • r

Duka Palaco de Lermo

Kolegiata preĝejo de sankta Petro

Vilaĝoj

La duka vilaĝo estas la ĉefurbo de la municipo, kiu ankaŭ havas la sekvajn vilaĝetojn.

• Castrillo de Solarana.
• Rabé de los Escuderos
• Revilla Cabriada
• Ruyales del Agua
• Santillán del Agua
• Villoviado

Geografia situo

Norda Aŭtoŝoseo de Madrido al Iruno.

Koordinatoj: 42°1'35"N 3°45'32"W

Monumentoj kaj vidindaĵoj

• Duka Palaco. Ĝi okupas tutan lateron de la Placo. De stilo herera, ĝia arkitekto estis Francisco de Mora, konsiderata kiel unu el la plej bonaj de sia epoko. Dum la Hispana Enlanda Milito la konstruaĵo estis uzata kiel karcero. En la nuntempo ĝi estas turisma celo de la vilaĝo.
• Monaĥinejo de Sankta Blaso. Situanta ĉe aneksita placo je la Duka Placo, nomata Sankta Blaso. Ekkonstruiĝis en 1613 por enloĝigi la dominikanajn monaĥinojn. De la sama arkitekto de la Duka Palaco.
• Monaĥejo de Sankta Johano. Situanta ĉe la "strato de la Audiencia", kiu eliras el la Duka Palaco. Ekde ĝia konstruado en 1617 ĝis la 19a jarcento estis okupita de karmelaj monaĥoj. Nuntempe parto de la klaŭstro gastigas la Urbodomon kaj en la malsupraj etaĝoj la Turisman Oficejon.

En la placo de Sankta Klara troviĝas la Monaĥejo de la Supreniro kaj la Kolegiata preĝejo de Sankta Petro. En la centro de la placo estas enterigita la pastro Merino, heroo de la Milito de Hispana Sendependiĝo kontraŭ Napoleono.

• Monaĥejo de la Supreniro de Nia Sinjoro aŭ Monaĥejo de Sankta Klaro: De franciskaninoj. Estis la unua monaĥejo konstruita en la vilaĝo kaj ĝia fondintino estis Mariana de Padilla, bofilino de la duko de Lermo, en la jaro 1604. En ĝia preĝejo estis baptita la princino Margarita Francisca en 1610.
• Kolegiata preĝejo de Sankta Petro: Estis konsakrita en 1617 per grandaj festenoj por la Kortumo kaj nobelaro, kiuj daŭris 13 tagojn. La duko atingis la rektan dependadon de la abatejo de Romo.

Ekster la muroj de la urbo troviĝas du monaĥejoj:

• Sankta Francisko de la Reĝoj, fondita de Leonor de Rojas, fratino de la duko, de 1606 ĝis 1613. La komunumo ricevis mirindajn donacojn kaj de la duko kaj de la reĝo Filipo la 3-a. Nuntempe ĝi estas preskaŭ abandonita.
• Monaĥejo de la Dipatrino aŭ Monaĵeho de la Karmelo, de senŝuaj karmelaninoj, situanta kontraŭ la murpordo nomata Pordo de la Karcero.

La kialo de la 4 turoj ĉe la palaco de Lermo, estis pro trompado de la duko al la reĝo mem. Al la dukaj palacoj estis permesitaj nur du turojn, sed la duko demandis la reĝon ĉu li povus konstrui du turojn en lia palaco, kaŝante tion ke li intencis konstrui du pliajn turojn. La reĝo koncedis la permeson, ĉar li pensis ke la duko demandis pri la du turoj kiujn li rajtis konstrui kaj ne pri du pliaj. Tial la duka palaco havas 4 turojn

Loĝantaro

1987: 2.638

1991: 2.570

1995: 2.594

1999: 2.530

2003: 2.558

Lermo kaj kinarto

Jen listo de filmoj kie Lermo estis filmscenejo

• PRISIONEROS DE GUERRA. ( 1938 ) Manuel Augusto García Viñolas.

dokumenta filmo.

• EL LAZARILLO DE TORMES. ( 1959 ) César F. Ardavín.

Gajnis la premion Ora Urso de Berlinale (Berlina Internacia Film-Festivalo) en 1960.

• EL SEGUNDO PODER. ( 1976 ) José María Forqué. Ĉefroloj de Jon Finch, Fernando Rey kaj Verónica Forqué.

Historia Memoraĵo

• La lermano José Sanz Tejedor, frato de La Salle, kanonigita la 21an de novembro 1999 kiel Sankta Cirilo Beltrano, estis murdita en Turón dum la Asturia Revolucio en 1934, konsiderata de kelkaj historiistoj kiel la komenco de la Hispana Enlanda Milito, liaj restaĵoj ripozas kune kun siaj kamaradoj, ankaŭ murditaj, ĉe la Monaĥejo de Sankta Maria de Bugedo.

• Inter 2006 kaj 2007 estis malfermitaj 4 komunaj truoj en la monto La Andaya, proksime de Lerma, kun pli ol 90 skeletoj de respublikanaj personoj, inter ili la urbestraro kaj kvin konsilistoj de Aranda de Duero. Ili ĉiuj estis murditaj de la armeo de Franko, kiam konkeris la zonon en aŭgusto 1936 dum la Hispana Enlanda Milito.

Eksteraj ligiloj

• Lermo (Burgoso) en la Vikimedia Komunejo (Multrimedaj datumoj)
• Kategorio Lermo (Burgoso) en la Vikimedia Komunejo (Multrimedaj datumoj)

• Historia memoraĵo de Lermo
• La beatigitaj martiroj kaj kanonigitaj de la papo Johano Paŭlo la dua. Hispanaj pripensoj Arkivigite je 2008-04-24 per la retarkivo Wayback Machine

PeEnEo: 269100 GND: 4458263-8 VIAF: 238759474 BNF: 13330201m BNE: XX452980