Las edades de Lulú (filmo)

Las edades de Lulú (La aĝoj de Lulú) estas erot-drama hispana filmo de 1990 verkita kaj reĝisorita de Bigas Luna en kiu stelulas Francesca Neri, dum Óscar Ladoire, María Barranco kaj Javier Bardem ludas duarangajn rolojn. Ĝi estas bazita sur la samnoma romano de Almudena Grandes.

Las edades de Lulú
filmo
Originala titolo	Las edades de Lulú
Originala lingvo	hispana lingvo
Kina aperdato	1990, 28 mar. 1991
Ĝenro	samseksemeca filmo, erotika filmo, filmo bazita de literatura verko, drama filmo
Reĝisoro(j)	Bigas Luna
Produktisto(j)	Andrés Vicente Gómez
Scenaro	Bigas Luna • Almudena Grandes
Loko de rakonto	Madrido
Muziko de	Carlos Segarra
Rolantoj	Francesca Neri • Javier Bardem • María Barranco • Fernando Guillén Cuervo • Rosana Pastor • Pilar Bardem • Óscar Ladoire • Marta May • Àngel Jové i Jové
Produktinta firmao	Lolafilms
IMDb
v • d • r

Intrigo

Averto: La teksto, kiu sekvas, malkaŝas detalojn pri la intrigo de la rakonto.

Lulú estas dekkvinjara junulino kiu estas seksallogita de Pablo, amiko de la familio. Post tiu sperto, Lulú konservas dum jaroj la deziron por tiu viro, kiu revenos al ŝia vivo iom poste, kio plilongigas la amludon. Finfine ili geedziĝas, kaj tiukadre Pablo portas ŝin al tre libera vivmaniero. Tiu idealigita mondo fiaskos, kiam Lulú 30-jara eniras en la infero de malpermesitaj deziroj pere de seksaj spertoj en iom post iom pli riskaj etosoj kaj kondutoj.

Averto: Malkaŝado de la intrigo de la rakonto ĉi tie finiĝas.

Partoprenantoj

Kovrilpaĝo de la romano Las edades de Lulú sur kiu baziĝas la filmo.

La aktorino Ángela Molina malakceptis partopreni en la filmo tuj antaŭ la ekfilmado.^[1]​ Ĝi estis anstataŭita de la itala aktorino Francesca Neri.

En la filmo intervenas en mallonga rolo juna Javier Bardem, en unu de siaj unuaj kinlaboroj; lia muskola fiziko kaj la ludita rolo kontribuis krei agreseman bildon de la aktoro.

María Barranco ricevis la Goja-premion al la Plej Bona Duaranga Aktorino.