Kulombo (mezurunuo)

La kulombo (mallongigo C) estas la internacia unuo de elektra ŝargo, parto de la Internacia sistemo de unuoj.

Difino

La kulombo egalas al la kvanto de elektra ŝargo, kiu estas transportata per la kurento de 1 ampero dum 1 sekundo:

1 C = 1 A·s.

Ekde 2019, kiam la internacia sistemo de unuoj estas redifinita, la kulombo (laŭ la difino de la ampero) egalas ekzakte la ŝargon de la jena nombro de protonoj:

${\displaystyle 1\,\mathrm {C} ={\frac {10^{28}}{1\,602\,176\,634}}\,\mathrm {e} ={\frac {5\times 10^{27}}{801\,088\,317}}\,\mathrm {e} =6\,241\,509\,074\,460\,762\,607{\frac {621\,837\,581}{801\,088\,317}}\,\mathrm {e} \approx 6,\!24\times 10^{18}\,\mathrm {e} }$.

Ĉar la ĉi-supra nombro ne estas entjero, ne ekzistas en naturo ekzakte 1 kulombo da ŝargo.

Historio

La kulombo estis unue difinita de la Internacia Elektra Kongreso en 1881.^[1] Ĝia nomo devenas de la franca fizikisto Charles Augustin Coulomb.

Referencoj

1. (1881-09-24) “The Electrical Congress”, The Electrician (en) 7, p. 297–297.