Kolombia tinamo
From Wikipedia, the free encyclopedia
La Kolombia tinamo, Crypturellus erythropus columbianus, estas tinamo troviĝanta en la departementoj Kordovo, Sukreo, Bolivaro, kaj Antjokio en nord-centra Kolombio.[2] Oni scias malmulte pri ĝi. Ĝi loĝas en humidaj arbaroj kaj arbustaroj de malaltaj teroj je altoj de ĝis 600 m.
 | ||||||||||||||
|---|---|---|---|---|---|---|---|---|---|---|---|---|---|---|
| Biologia klasado | ||||||||||||||
| ||||||||||||||
| Crypturellus erythropus columbianus (Salvadori, 1895)[1] | ||||||||||||||
| Konserva statuso | ||||||||||||||
|
Ne Agnoskita | ||||||||||||||
Aliaj Vikimediaj projektoj | ||||||||||||||
Ĝi estas foje traktita kiel distinga specio, kaj foje kiel subspecio de la Ruĝkrura tinamo. La SACC malakceptis proponon por altigi ĝin al specistatuso, asertante ke nuna disponebla informo malsukcesas elteni la disigon. BirdLife International sekvis tiun traktadon;[3] tiele la Kolombia tinamo forfalis el la IUCN Ruĝa Listo de 2007.[4]
Crypturellus estas formata el la grekaj vortoj κρυπτός (kriptós), "kovrita" aŭ "kaŝita", οὐρά (urá), "vosto", kaj -ellus, latina diminutiva sufikso. La genronomo Crypturellus entute signifus "malgranda kaŝvostulo".[5]
La Kolombia tinamo estas proksimume 30 cm longa. Ĝi estas mezgranda bruneca tinamo. Ĝi havas senmarkan brunan kronon kaj blankan gorĝon. Ties supraj partoj estas ankaŭ senmarkaj brunaj senstriecaj, kun blankaj markoj ĉe duarangaj kaj flugilkovriloj. Ties subaj partoj estas pli palbrunaj kun malhela strieco ĉe subpugo. La kruroj estas roz-ruĝecaj. La Kolombia tinamo aspektas tre simila al la Ruĝkrura tinamo (Crypturellus erythropus), tamen la Kolombia tinamo estas pli malhela kaj havas pli fortan striecon.
Ĝi estas minacata de senarbarigo de arbaroj de malaltaj teroj de ties teritorioj. Lastajn jarojn okazis tre rapida habitatoperdo en la norda parto de Cordillera Central kaj Serranía de San Lucas, kie koncentriĝas restantaj populacioj. Ĝi estis suprenlistita al statuso de Endanĝerita (EN A2c+3c) fare de IUCN en 2004, post esti taksita kiel Preskaŭ Minacata ekde 1988, sed kiel menciite supre ĝi ne estas plu inkludita en la Ruĝa Listo, kie anstataŭe oni konsideras ĝin subspecio de la Ruĝkrura tinamo.
Oni ne konas nunajn konservoklopodojn. Oni proponis enketojn por determini ties precizan distribuadon kaj ekologiajn postulojn, kaj trovi taŭgajn habitatojn por protekti tiujn birdojn.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
