Kapelo

Kapelo estas preĝejo, kiu ne estas regula kirko. Tio estas senaltara preĝejo, kie nur kelkaj diservoj estas farataj (sed ne la eŭĥaristio) aŭ preĝejo, kiu estas nek paroĥa, nek prioreja. La plej fama estas la Siksta Kapelo. Ĝi estas ofte privata kaj apartenas al bieno, hospitalo, prizono ks.

Laŭ Francisko Azorín Kapelo estas Malgranda religiejo aneksa al pli granda konstruaĵo.^[1] Li indikas etimologion el la latina capella, el cappa (mantelo), ĉar en la unua, franca, oni konservis tiun de Sankta Marteno.^[2]

Vidu ankaŭ

• Chapelle (franca termino pri Kapelo)
• Sainte-Chapelle
• Kapelo de Sankta Andreo
• Kapelo Notre-Dame-du-Haut (Ronchamp)
• Kristana preĝejo
• Sanktaj Montoj

En alia senco ĝi signifas altarejon.

Kapelo signifas ankaŭ aron de la muzikistoj, ludantaj aŭ kantantaj en kapelo (kapelestro = ĥorestro).

Bildaro

• 
  La Cappella Palatina en Palermo kun tiu de Aachen estas la plej famaj palacaj kapeloj de Eŭropo.
• 
  En tradicio de Rusia Ortodoksismo, la kapeloj estas konstruitaj super urbaj pordegoj, kie la popolo povas viziti ilin. La plej fama ekzemplo estas la Resurekcia Kapelo.
• 
  La kapelo Sainte-Brigitte de Le Juch.
• 
  La kapelo de Sankta Mikaelo de Carnac konstruita sur tumulo.

Notoj

1. Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 105.
2. Azorín, samloke.

• Kapelo en la Vikimedia Komunejo (Multrimedaj datumoj)
• Kategorio Kapelo en la Vikimedia Komunejo (Multrimedaj datumoj)