From Wikipedia, the free encyclopedia
Kannur, malajale കണ്ണൂർ aŭdu estas marhavena kaj universitata urbego, sidejo de la samnoma distrikto Kannur en subŝtato Keralo en sudokcidenta Barato. Origino de la loknomo estas duba. Dum brita rego en Hindio Kannur estis konata kiel Cannanore.
Kannur situas sur la Malabara Marbordo havanta 8 km longajn marbordojn kaj 3 km longajn sablajn strandojn. Mangaloro troviĝas 128, Majsuro 144, Koimbatore 194, Koĉi (Barato) 231, subŝtata ĉefurbo Tiruvanantapuram 403, Mumbajo 838, Kolkato 1817, tutlanda ĉefurbo Delhio 1874 kilometrojn (aere) .
En 2011 Kannur havis 232 486.
Kannur estis grava komerca centro en la 12-a jarcento kun aktivaj komercaj rilatoj kun Persio kaj Arabio. La urbo apartenis al islama sultanlando, eĉ ĝi estis ĉefurbo. La portugaloj konstruis fortikaĵon en 1505, kiun la nederlandanoj konkeris en 1663. Ili modernigis la fortikaĵon, tamen ili vendis ĝin. Dum la 17-a jarcento Kannur estis ĉefurbo de islama sultanlando. La britoj konkeris la urbon en 1790 kaj utiligis ĝin kiel armea stacio. Ĝi funkciis kiel la brita armea ĉefsidejo sur la okcidenta marbordo de Hindio ĝis 1887.
Kannur kun sia distrikto estas signifa tekstila kaj manfaraĵa centro, ankaŭ ŝatata turisma celloko por marbanantoj. Kannur heredis la britajn armeajn instalaĵojn, nun ĝi estas grava sidejo de armeo kun eduka centro.
En 2011 hinduoj havas la plimulton en Kannur kun 56.3% procentoj, ekzistas pli granda malplimulto de islamanoj (37.9%), ankaŭ kristanoj (5%).
La malajala estas la administra kaj loka lingvo. La angla estas sufiĉe konata.
Kannur estas universitata urbego (de 1996), sed ekzistas ankaŭ armea akademio.
Kannur situas en tropika musonklimato (Am) laŭ la klimata klasifiko de Köppen. Jare pluvas averaĝe po 3306 mm. En ĉiuj monatoj pluvas, tamen inter decembro-aprilo malpli aŭ apenaŭ pluvas. La temperaturo varias averaĝe inter 23-32 °C.
Kannur havas vojan kaj fervojan kontaktojn laŭ la marborda trafiklinio, ankaŭ havas internacian flughavenon. Turistoj kaj fiŝkaptistoj uzas la havenon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.