Kalidro

Kalidroj aŭ tipaj vadbirdoj estas grupo de birdoj reproduktantaj en Arkto kaj tre migrantaj. Tiuj birdoj formas grandajn miksitajn arojn en marbordoj kaj estuaroj vintre. Ili estas tipaj plaĝobirdoj, etaj aŭ mezgrandaj, longflugilaj kaj relative mallongbekaj.

Kiel legi la taksonomion Kalidro
Biologia klasado
Regno: Animaloj Animalia Filumo: Ĥorduloj Chordata Klaso: Birda klaso Aves Ordo: Ĥaradrioformaj Charadriiformes Familio: Skolopedoj Scolopacidae Merrem 1804 Genro: Kalidro Calidris Specio: vidu tekston
Aliaj Vikimediaj projektoj
Sistematiko en Vikispecioj
Komunejo pri Kalidro
v • d • r

Ties bekoj havas sensivajn pintojn kiuj permesas ilin lokigi enterigitajn predojn kiujn ili konstante serĉas per kurado kaj tuŝoprobado.

La specioj, laŭ ĝisdatigita / tradicia taksonomio, estus kiel sube:

• Genro Calidris veraj kalidroj - grandaj kalidroj
  • Nigroblankpuga kalidro, Calidris virgatus / Aphriza virgata
  • Grandega kalidro, Calidris tenuirostris
  • Granda kalidro, Calidris canutus

Aliaj kalidroj (ĉiuj iam lokitaj ankaŭ ĉe Calidris)

• Kalidredoj - eble genro Erolia
  • Pigmea kalidro, "Calidris" pusilla
  • Malgranda kalidro, "Calidris" minuta
  • Amerika malgranda kalidro, "Calidris" minutilla
  • Blankpuga kalidro, "Calidris" fuscicollis
  • Flavbrusta kalidro, "Calidris" bairdii
  • Bunta kalidro, "Calidris" alpina
  • Ruĝkola kalidro, "Calidris" ruficollis
  • Nana kalidro, "Calidris" subminuta
  • Striokalidro aŭ Stribrusta kalidro, "Calidris" melanotos
  • Sablokalidro, "Calidris" alba ("Crocethia alba")
  • Alaska kalidro, "Calidris" mauri
  • Markalidro, "Calidris" maritima
  • Rokkalidro, "Calidris" ptilocnemis
  • Blankvosta kalidro, "Calidris" temminckii
  • Stepkalidro, "Calidris" subruficollis
• Genro Philomachus
  • Duelbirdo, Philomachus pugnax
  • Larĝbeka kalidro, Philomachus falcinellus / Limicola falcinellus ("Erolia falcinella")
  • Pintvosta kalidro, Philomachus acuminatus / Calidris acuminata
• Genro Micropalama (dubinda; Erolius sensu stricto?)
  • Himantopa kalidro, Micropalama himantopus / Calidris himantopus
• Genro Eurynorhynchus (dubinda)
  • Kulerbeka kalidro, Eurynorhynchus pygmeus
• incertae sedis (Erolia sensu stricto?)
  • Rustokalidro, ? Calidris ferruginea

La plej proksimaj parencoj de kalidroj estas la du specioj de ŝtonturnuloj, kaj se la kalidroj estus konsiderataj kiel tribo Calidriini, la ŝtonturnuloj estus inkluditaj tie.

La interrilatoj de la grupo de kalidroj ne estas entute bone solvitaj. Kelkaj iamaj genroj estis inkluditaj en Calidris, kiel la Himantopa kalidro (eksa Micropalama himantopus), sed la nova lokigo ne estis entute kontentiga. Oni sugestis ekzemple, ke la Sablokalidro estu lokata kiel monotipa genro Crocethia, kaj la aliaj etaj specioj Calidris estu separataj kiel Erolia. Alternative estis sugestita, ke la monotipaj genroj Aphriza, Limicola kaj Eurynorhynchus estu enmetitaj en Calidris.

Pristuda analizo kombinanta novajn datumojn (Thomas et al, 2004) pruvus, ke la ampleksigata genro Calidris estas vere parafiletika (aŭ polifiletika se ĉiu kalidro estu enmetita en ĝi), sed la nuntempa serio DNA estus nesufiĉa por solvi la rilataron de kelkaj nekutimaj specioj kiel la Rustokalidro.

Tiele aperas tri grupoj de proksimaj parencoj:

1. La plej granda konsistanta el plej etaj specioj, inkludante la Sablokalidron, kaj probable ankaŭ la Stepkalidron. Se ĝi estas konsiderata kiel diferenca genro, la nomo Erolia estu uzata nur se ankaŭ la Rustokalidro apartenu ĉi tie, kiel estis Erolia kiam unuafoje estis publikata en 1816.
2. La propra genro Calidris enhavanta speciojn kiel la Granda kalidro kaj la Calidris virgatus.
3. Alia eta grupo enhavanta strangajn speciojn kiel la Duelbirdo, la Larĝbeka kalidro kaj la Pintvosta kalidro, kiuj uzus la nomon Philomachus.

Vidu ankaŭ

• Koksa kalidro
• Hibridiĝo ĉe vadbirdoj

Referencoj

• Thomas, Gavin H.; Wills, Matthew A. & Székely, Tamás (2004): A supertree approach to shorebird phylogeny. BMC Evol. Biol. 4: 28. COI:10.1186/1471-2148-4-28 PDF plena teksto Arkivigite je 2016-04-11 per la retarkivo Wayback Machine Kroma Materialo

• Kalidro en la Vikimedia Komunejo (Multrimedaj datumoj)
• Kategorio Kalidro en la Vikimedia Komunejo (Multrimedaj datumoj)
• Kalidro en Vikispecioj (Kolekto pri ĉiuj vivantaj estuloj)