Johann Gottlob Lehmann

Johann Gottlob LEHMANN [le:man] (1719-1767) estis germana mineralogo kaj geologo kaj unu el la malkovrintoj de la kemia elemento kromio. Li famiĝis pro siaj kontribuaĵoj en la kampo de la geologio. Kune kun Georg Christian Füchsel (1722-1773) kaj Giovanni Arduino (1714-1795), li estas konsiderata unu el la fondintoj de la stratigrafia scienco.

Johano Gotlobo Lemano
Germana mineralogo kaj geologo, malkovrinto de kromio
Persona informo
Johann Gottlob Lehmann
Naskiĝo	4-a de aŭgusto1719 en Langenhennersdorf, Elekto-Saksio,  Sankta Romia Imperio (Germanio)
Morto	22-a de januaro 1767 en Sankt-Peterburgo,  Rusia Imperio
Ŝtataneco	Sankta Romia Imperio Rusia Imperio vd
Alma mater	Universitato de Wittenberg, Universitato de Lepsiko
Profesio
Okupo	mineralogo universitata instruisto geologo vd
Laborkampo	Mineralogio kaj mininĝeniero vd
Membrecoj Membrecoj Prusa Akademio de Sciencoj vd
vd	Fonto: Vikidatumoj
v • d • r

Biografio

Li vizitadis la Universitaton de Wittenberg kie li doktoriĝis en 1741, kaj poste li ekoficis en Dresdeno. Naskita en Saksio, li disvolvis intereson pri la minindustrio, kaj publikigis verkon pri komponado de ercaj deponaĵoj. En 1750, li estis komisiita de la Reĝa Akademio pri Sciencoj el Prusio por studi la minpraktikadojn tra la tuta lando.

En 1761, la Imperia Akademio pri Sciencoj el Rusio invitis lin al Sankt-Peterburgo, kie li fariĝis profesoro pri kemio kaj direktoro de la imperia muzeo de tiu urbo. Dum esploroj en la deponaĵoj de Berjozovskojo, 13 km-ojn nordoriente de Jekaterinburgo, en la montaro Uralo, li malkovris plumban ercon ruĝecan-oranĝan (Plumba (II) kromiato), kiun li nomis "Rotbleierz" (ruĝa plumba erco), ankaŭ konata kiel krokoito.

La ĉefa meritaĵo de Johano Gotlobo Lemano estas lia ekzakta priskribo pri la stratigrafiaj rokoj (Flötzgebirge). Li distingis tridek tavolojn da sinsekvaj rokoj en la stratigrafia sistemo de Ilfeldo kaj Mansfeldo, kaj difinis la geologian strukturon de tiu distrikto laŭ senĉesa serio da diagramoj kaj sekcioj.

Lemano mortis en Sankt-Peterburgo pro vundoj kaŭzataj de eksplodo el retorto plena je arseno.

Selektita verkaro

• Abhandlung von Phosphoris: Deren verschiedener Bereitung, Nutzen und andern ..., 1750
• Versuch einer Geschichte von Flötz-Gebürgen, betreffend deren Entstehung ..., 1756
• Physikalische Gedanken von den Ursachen der Erdbeben, 1757
• Kurtze Untersuchung derer sogenannten versteinerten Kornaehren und ..., 1760, kune kun Johann Gottfried Michaelis]
• Physikalisch-chymische Schriften, als eine Fortsetzung der Probier-Kunst, 1761
• Probier-Kunst, 1761
• Physikalisch-chemische Schriften, 1761
• Entwurf einer Mineralogie, 1769
• Die Christliche Glaubenslehre: Untersucht nach ihrer ..., Volume 1, 1794

Literaturo

• MCN Biografias Arkivigite je 2014-06-29 per la retarkivo Wayback Machine
• Encyclopedia Britannica^{[rompita ligilo]}
• Deutsche Biographie
• Personensuche
• The Formation of the German Chemical Community, 1720-1795, Karl Hufbauer
• The Bible, Rocks and Time: Geological Evidence for the Age of the Earth, Davis A. Young,Ralph F. Stearley
• The Biography Arkivigite je 2016-03-04 per la retarkivo Wayback Machine
• Principles of Stratigraphy, Michael E. Brookfield
• Portraits of Creation: Biblical and Scientific Perspectives on the World's ..., Howard J. Van Till

Vidu ankaŭ

• Kromio
• Stratigrafio
• Erco
• Mineralogio

Portalo pri Kemio

• Johann Gottlob Lehmann en la Vikimedia Komunejo (Multrimedaj datumoj)
• Kategorio Johann Gottlob Lehmann en la Vikimedia Komunejo (Multrimedaj datumoj)

Ĉi tiu artikolo ankoraŭ estas ĝermo pri kemio. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

PeEnEo: 553136 GND: 119501317 LCCN: n85801291 VIAF: 43306812 ISNI: 0000000078627496 SUDOC: 176681949 NKC: xx0049869