alzaca artisto kaj poeto From Wikipedia, the free encyclopedia
Hans Jean ARP (naskiĝis la 16-an de septembro, 1886, mortis 7-an de junio, 1966) estis germana-franca skulptisto, pentristo kaj poeto.
| Hans Arp / Jean Arp | |
|---|---|
 | |
| Persona informo | |
| Aliaj nomoj | Arp, Hans Peter Wilhelm • Arp, Hans Jean |
| Naskiĝo | 16-an de septembro 1886 en Strasburgo, Alzaco-Loreno,  Germana Imperiestra Regno |
| Morto | 7-an de junio 1966 (79-jaraĝa) en Bazelo |
| Tombo | cemetery of Locarno (en)   |
| Lingvoj | franca • germana • alzaca |
| Ŝtataneco | Francio Germanio |
| Familio | |
| Frat(in)oj | Käthe Bockelmann (en) kaj François Arp (en) |
| Edz(in)o | Sophie Taeuber-Arp (1922–1943) Marguerite Arp (en) (–1994) |
| Parencoj | Udo Jürgens (nevo) |
| Okupo | |
| Okupo | pentristo dezajnisto fotisto dizajnisto de juveloj verkisto skulptisto poeto desegnisto |
| Verkoj | Evocation of a Form: Human, Lunar, Spectral Tabarna |
Hans Arp naskiĝis en Strasburgo. La filo de Alzaca patrino kaj ne-alzaca germana patro, li naskiĝis dum la periodo post la Franca-Prusa Milito kiam la regiono nomiĝis Alzaco-Loreno (germane: Elsass-Lothringen, france: Alsace-Lorraine) post kiam ĝi estis redonita al Germanio de Francio. Post la reveno de Alzaco al Francio ĉe la fino de la Unua mondmilito fine de la jaro 1918, kiam Hans Arp estis 32-jara, franca leĝo determinis, ke lia nomo devis iĝi Jean.
En 1904, lasinte la artan lernejon Kunstgewerbeschule en Strasburgo, Arp iris al Parizo kie li eldonis sian poezion por la unua fojo. De 1905 ĝis 1907, li studis ĉe la Kunstschule, Vajmaro, Germanio kaj en 1908 li reiris al Parizo, kie li vizitadis la Académie Julian. En 1915, li ekloĝis en Svislando por profiti la svisan neŭtralecon. Pli malfrue, Arp rakontis, ke kiam li estis avizita prezenti sin al la germana ambasadorejo, li evitis konskripcion: li prenis la dokumentaron, kiun oni donis al li, kaj sur la unuan formularon, skribis la daton. Tiam li skribis la daton sur ĉiun alian formularon ankaŭ, kaj poste desegnis linion sub ili kaj zorge adiciis la numerojn. Tiam, li demetis siajn vestaĵojn kaj iris submeti sian dokumenton. Oni diris al li, ke li reiru hejmen. Plurfoje li estis gasto en la Monte Verità, kunvenejo de la anoj de la vivreforma movado, parto de la urbo Askono, en la kantono Tiĉino de Svislando.
Arp estis fondinta membro de la Dada movado en Zuriko en 1916. En 1920, kun Max Ernst kaj la sociala agitanto Alfred Grünwald, li fondis la Kolonjan Dada-grupon. Tamen, en 1925 lia verko ankaŭ aperis en la unua ekspozicio de la superrealista grupo ĉe la Galerie Pierre en Parizo.
En 1926, Arp transloĝiĝis al la Pariza suburbo Meudon. En 1931, li forlasis la Superrealisman movadon por fondi "Abstraction-Création", laborante kun la Pariza grupo Abstraction-Création kaj la gazeto Transition.
Dum la jaroj 1930-aj kaj ĝis la fino de sia vivo, li skribis kaj eldonis tezojn kaj poezion. En 1942, li fuĝis el sia hejmo en Meudon por eskapi la Germanan okupacion kaj loĝis en Zuriko ĝis la fino de la milito.
Arp vizitis Novjorkon en 1949 por sola ekspozicio ĉe la Galerio Buchholz. En 1950, li estis invitita fari reliefon por la Universitato Harvard en Kembriĝo, Masaĉuseco kaj ankaŭ estis komisiita fari murpentraĵon ĉe la konstruaĵo de Unesko en Parizo. En 1954, Arp gajnis la Grandan Prezon por Skulptaĵo ĉe la Venecia Bienalo.
En 1959, oni prezentis retrospektan ekspozicion de lia verko ĉe la Muzeo de Moderna Arto en Novjorko, sekvita de ekspozicio ĉe la Musée national d'Art moderne en Parizo en 1962.
La Musée d'art moderne et contemporain loĝigas multe da liaj pentraĵoj kaj skulptaĵoj.
Lia unua edzino, artistino Sophie Taeuber-Arp, mortis dum la milito kaj poste li edziĝis kun la kolektantino Marguerite Hagenbach. Arp mortis en Bazelo, Svislando.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
