La Instituto Nacia de Lingvoj Indiĝenaj (hispane Instituto Nacional de Lenguas Indígenas, pli bone konata per sia akronimo INALI (por teno de la akronimo elektiĝis la en Esperanto iom nekutima vortordo)) estas meksika federacia publika agentejo, kreita la 13-an de marto 2003 per la aprobo de la Ley General de Derechos Lingüísticos de los Pueblos indígenas (Ĝenerala leĝo pri Lingvaj Rajtoj de la Indiĝenaj Popoloj) pere de la administrado de la ŝtata prezidanto Vicente Fox Quesada.
| Instituto Nacia de Lingvoj Indiĝenaj | ||
|---|---|---|
organizaĵo  | ||
| Komenco | 13-a de marto 2003 vd | |
| Lando(j) | Meksiko vd | |
| Agareo |
lingvoj de Meksiko | |
| Retejo | Oficiala retejo | |
La instituto estas necentra agentejo de la federacia registaro de Meksiko, alfiksita al la Sekretariejo de Edukado Publika (Secretaría de Educación Pública aŭ SEP). Ĝia plej alta organo estas la Nacia Konsilio, kies prezidanto estas la Sekretario de Publika Edukado, dum la Ĝenerala Direktoro zorgas pri la ĉiutaga agado.
INALI laboras por antaŭenigi kaj protekti la uzon de la indiĝenaj lingvoj de Meksiko, kiuj dividiĝas en 68 grupoj de vivantaj lingvoj kaj centoj da "lingvaj variaĵoj". Kvankam multaj el la "grupoj" estis tradicie konsideritaj solaj lingvoj, INALI rekomendas ke la "variaĵoj" estu konsiderataj kiel apartaj lingvoj en ĉiuj aferoj de juro, edukado, sano, civila administrado aŭ informado. Unu el la ĉefaj taskoj de INALI estas preventi la malaperon kaj estingon de la indiĝenaj lingvoj de la lando kiuj postvivis el la antaŭhispanaj tempoj.
- INALI [Instituto Nacional de Lenguas Indígenas] (la 14-an de januaro 2008). “Catálogo de las lenguas indígenas nacionales: Variantes lingüísticas de México con sus autodenominaciones y referencias geoestadísticas ("katalogo de la naciaj indiĝenaj lingvoj: lingvaj variaĵoj de Meksiko kun siaj propraj nomoj kaj geostatistikaj referencoj")”, 'Diario Oficial de la Federación ("oficiala organo de la federacio", Meksikurbo, eldonejo Imprenta del Gobierno Federal (presejo de la federacia registaro), Secretaría de Gobernación, SEGOB ("registara sekretariejo") (hispane) (formato PDF) 652, p. 22–78 (unua sekcio), 1–96 (dua sekcio),1–112 (tria sekcio).
- Dora Pellicer, Bábara Cifuentes, Carmen Herrera. (2006) “Legislating diversity in twenty-first century Mexico ("Leĝdonaj diferencoj en la 21-jarcenta Meksiko")”, Mexican Indigenous Languages at the Dawn of the Twenty-first Century ("Meksikaj indiĝenaj lingvoj komence de la 21-a jarcento"), Contributions to the Sociology of Language ("Kontribuoj al la sociologio de lingvoj"), n-ro 91, eldoninto Margarita G. Hidalgo, eldonejo de Gruyter, Berlino (angle), p. 127–168. ISBN 978-3-11-018597-3. OCLC 62090844.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
