komunumo de Svislando From Wikipedia, the free encyclopedia
Ingenbohl estas komunumo en la distrikto Ŝvico en Kantono Ŝvico, Svislando. Ĝi havis 8289 loĝantojn je la 31-a de decembro 2009.
| Ingenbohl | |
|---|---|
 | |
 | |
| komunumo en Svislando | |
| Kantono | Ŝvico |
| Distrikto | Ŝvico |
| Koordinatoj | 47° 0′ 11″ N 8° 36′ 42″ O (mapo) |
|
| |
| Areo | 16,20 km² |
| Alteco | 439 m super marnivelo |
| Poŝtkodo | 6440 |
| Komunumkodo | 1364 |
 | |
La komunumo Ingenbohl situas ĉe la bordo de la Kvarkantona Lago, kie la Lago de Urio transiras al la Baseno de Gersau sur la flotebenaĵo de la rivero Muota, kiu en Brunnen alfluas al la lago. Al la komunumo apartenas la vilaĝo Brunnen, kaj la setlejoj Unterschönenbuch, Wylen kaj Schränggigen. La ebenaĵon de Brunnen kaj Ingenbohl ĉirkaŭas en nordo la montmasivo Mythen, en oriento Fronalpstock kaj en okcidento Urmiberg. La komunumoparto Brunnen, kiu estas la ĉefa setlejo kaj sidejo de la komunuma administracio, estas karakterizita per pluraj klasikaj hotelkonstruaĵoj kun banoj kaj ripozejoj. En Ingenbohl situas la Monaĥejo Ingenbohl, kiu estas la patrina domo de la Mizerikordaj Fratinoj de la Sankta Kruco kaj la sidejo de Monaĥeja Mezlernejo por junaj virinoj.
En Brunnen situas grava stacidomo de la Gotardo-Fervojo de Zuriko tra Zugo kaj Arth-Goldau al Tiĉino. La busentrepreno Auto AG Schwyz servas la komunumon per pluraj buslinioj kaj zorgas por la fajna konekto al la publika transportreto. En Ingenbohl la svisa aŭtovojo A4 transiras al la Aksovojo, kiu konektas la aŭtovojon A4 kaj A2. En Brunnen situas la ŝvica haveno ĉe la Kvarkantona Lago kun ŝipkonektoj al Flüelen kaj Lucerno.
La unua dokumenta mencio de Ingenbohl datiĝas el la jaro 1387 kiel uff Ingenbol. [1]
Brunnen jam menciiĝis en la jaro 1217 kiel de Brunnon. Brunnen dum mezepoko estis protektita per defendomuro de la ŝvicanoj, por kiuj Brunnen estis grava haveno. En la 19-a jarcento per la enkonduko de la vaporŝipveturado sur la Kvarkantona Lago kaj la malfermo de la Aksovojo kaj la Gotardo-Fervojo Brunnen pro sia atingeblo kaj bela situo ĉe la suna lagobordo fariĝis grava turisma loko. Estis malfermitaj pluraj grandaj hoteloj.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
