Inercimomanto de areo

La inercimomanto de areo aŭ dua momanto de areo, estas geometria grando, kiu karakterizas sekcon de struktura komponanto kaj estas uzata por kalkuli ties streĉojn kaj deformojn dum fleksa kaj torda ŝarĝo.

La inercimomanto de areo havas la dimension m⁴ kaj ne devas esti konfuzata kun la inercimomanto de masoj (dimensio kgm²), kiu rilatas al turna movado.

La inercimomanto de areo ne rilatas al koncepto de inercio. Ĝi estas difinita nur baze de la formo kaj la dimensioj de la areo kaj ne dependas de la materialoj uzataj.

La inercimomanto de areo ĉirkaŭ akso, kiu trapasas ĝian geometrian centron estas difinita kiel sekvas:

${\displaystyle I=\int _{A}r^{2}\cdot dA}$

Kie dA estas areo-elemento kaj r ties distanco de la geometria centro de la tuta areo.

Por kalkuli la momanton ĉirkaŭ ajna akso povas esti uzata la teoremo de Steiner.

priskribo	inercimomanto de areo
cirklo kun radiuso r	${\displaystyle I_{0}={\pi r^{4} \over 4}}$
elipso, kun longa akso a kaj mallonga akso b	${\displaystyle I_{0}={\pi ab^{3} \over 4}}$
ortangulo kun larĝo b kaj alto h	${\displaystyle I_{0}={bh^{3} \over 12}}$
triangulo kun bazo b kaj alto h	${\displaystyle I_{0}={bh^{3} \over 36}}$

• Kategorio Inercimomanto de areo en la Vikimedia Komunejo (Multrimedaj datumoj)