From Wikipedia, the free encyclopedia
Barata Organizaĵo por Kosmo-Esplorado (BOKE, anglalingve: Indian Space Research Organisation, ISRO; hindlingve: भारतीय अंतरिक्ष अनुसंधान संगठन, इसरो) estas barata registara organizaĵo por esplorado de kosmo. La organizaĵo estis fondita la 15-an de aŭgusto 1969. La ĉefa celo por krei la organizaĵon estis asisti la loĝantojn de la nacio socie kaj ekonomie.[1]
![]() | |
Esperanta nomo | Barata Organizaĵo por Kosmo-Esplorado (BOKE) |
Oficialaj nomoj | anglalingve: Indian Space Research Organisation, ISRO hindlingve: भारतीय अंतरिक्ष अनुसंधान संगठन, इसरो |
Fondiĝo | 15-a de aŭgusto 1969 |
Tipo de la Organizaĵo | Kosma agentejo |
Prezidanto | D-ro. K. Radhakrishnan |
Ĉefaj raketoj | PSLV GSLV GSLV Mark III |
Ĉefa lanĉhaveno | Satish Dhawan Space Centre |
Retejo | ISRO Arkivigite je 2012-05-05 per la retarkivo Wayback Machine |
La unua satelito kreita de BOKE estis lanĉita per soveta raketo en 1975.[1] La artefarita satelito nomiĝis Aryabhatta, laŭ la nomo de antikva barata matematikisto.
La unua satelito lanĉita per raketo desegnita de la organizaĵo estis Rohini-1B. Raketo SLV-3 alportis la sateliton al tera orbito. Ekde tiam, BOKE desegnas kaj lanĉas pli teĥnologie kompleksajn satelitojn per pli fortaj raketoj.[1]
BOKE lanĉis sian unuan kosman veturilon por la esplorado de la Luno la 22-an de oktobro 2008.[2] La veturilon oni nomis Chandrayan-1 (Luna Veturilo-1) kaj raketo PSLV C11 alportis ĝin al la Luno.
La 5-an de novembro 2013, BOKE lanĉis kosmosondilon Mangalyaan (Marsa Veturilo) al planedo Marso. La 1.343 kilogramoj peza sondilo vojaĝos dum 299 tagojn, tra 400 milionoj kilometroj, kaj alvenos al Marso 24-an de septembro 2014. La sondilo kuŝos sin en marsa orbito kaj eksperimentos por esplorado de metano sur la ruĝa planedo.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.