itala fromaĝo From Wikipedia, the free encyclopedia
Grana Padano estas malrapide maturiĝanta, duongrasa malmola fromaĝo el Padio kaj kelkaj aliaj areoj de Norda Italio difinitaj per itala juro.[1]
La fromaĝo ekestis ĉirkaŭ la jaro 1000, verŝajne en 1135[2] en la mezo de suda Lombardio, kiam cistercianaj monaĥoj devis konservi troan lakton en la monaĥejo Chiaravalle Milanese de Milano. En la 12-a jarcento fondiĝis pluraj fromaĝejoj, kiuj produktis malmolan fromaĝon de grajnosimila strukturo je nomo „grana“ (de la itala vorto granuloso 'grajnosimila'). Pro la populareco de la fromaĝo en Lombardio plimultiĝis la produktado, kaj pro la longa konservebleco de la produkto bone eblis vendi ĝin ankaŭ en pli foraj regionoj, tiel ke tra jarcentoj la negocado per la fromaĝo forte influis la regionan ekonomion.
La prepara metodo de la fromaĝo nur malmulte ŝanĝiĝis tra la jarcentoj kaj igis ĝin unu el la plej popularaj kaj plej ofte imitataj fromaĝoj en la mondo.
La fromaĝo rajtas produktiĝi nur en la provincoj kaj metropolaj urboj Alessandria, Asti, Biella, Cuneo, Novara, Torino, Verbania, Vercelli, Bergamo, Brescia, Como, Kremono, Lecco, Lodi, Mantovo maldekstre de la rivero Pado, Milano, Monza, Pavia, Sondrio, Varese, Trento, Padovo, Rovigo, Treviso, Venecio, Verono, Vicenza, Bolonjo dekstre de la rivero Reno, Ferrara, Forlì-Cesena, Piacenza, Raveno kaj Rimini. Krome, la lakto rajtas veni el la areo de la komunumoj Altrei, Laurein, Proveis, Unsere Liebe Frau im Walde-St. Felix kaj Truden de la aŭtonoma provinco Suda Tirolo.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
