Frenke (rivero)

Frenke estas rivero en Kantono Bazelo Kampara, kiu konsistas el la du brakoj Antaŭa Frenke (germane Vordere Frenke - orienta brako) kaj Malantaŭa Frenke (germane Hinere Frenke - okcidenta brako) kunfluantaj en Bubendorf ĉe la koordinatoj 47° 26′ 56″ N 7° 44′ 10″ O (mapo).

Frenke
rivero
Bazaj informoj
Longeco	sen fontriveroj 4 km
Akvokolekta areo	120 km²
Averaĝa trafluo	ĉ. 2 m³/s
Fluo
- Alteco super marnivelo	380 m
Enfluejo	Ergolz
- Alteco	324 m
Geografio
Alfluantoj	Vordere Frenke kaj Hintere Frenke
Rivero en Eŭropo
v • d • r

Priskribo

La rivero Frenke estiĝas per la kunfluo de la du fontriveroj Antaŭa kaj Malantaŭa Frenke en Bubendorf en distanco de 4 km de la alfluejo al Ergolz.

Malantaŭa Frenke

La Malantaŭa Frenke estas la okcidenta de la du fontriveroj kaj formas la tiel nomitan valon de Reigoldswil. Ĝi fontas je alteco de proksimume 900 m s.m. norde de la monto Wasserfallen, kiu apartenas al la Falda Ĵuraso. De ĝia fonto ĝis la kunfluo kun la Antaŭa Frenke la distanco estas proksimume 11 km.

Antaŭa Frenke

La orienta fontrivero, la Antaŭa Frenke fontas ĉe la Supra Hauenstein-Pasejo je alteco de 720 m s.m.. De la fonto ĝis la kunfluo kun Malantaŭa Frenke la distanco estas proksimume 14 km. Ĝi fluas tra Waldenburg kaj Hölstein.

Inundoj

La rivero Frenke, precipe ĝia antaŭa brako, estas konata pro regulaj inundoj. Raportitaj estas ekzemple la historiaj inundoj en Hölstein en la jaroj 1629, 1830, 1924 kaj 1926. Post la lastaj gravaj inundoj en la 1930-aj jaroj oni rektigis kaj korektis la riverfluon por eviti estonte similajn katastrofojn.

Eksteraj ligiloj

• Kategorio Frenke (rivero) en la Vikimedia Komunejo (Multrimedaj datumoj)