Fortrano

Fortrano^[1] (angle FORTRAN, de FORmula TRANslator, t.e. «formul-tradukilo») estas unu el la unuaj gravaj programlingvoj. Estiĝinte dum la jardeko de 1950, ĉefe por teknikaj kaj sciencaj programoj, ĝi normigatis je 1977, kaj la rezulto nomiĝis FORTRAN77. Poste, je 1990 naskiĝis Fortran 90 (de post kiam la nomo estas skribata nomuskle).

Trukarto kun Fortrana ordono Z(1) = Y + W(1) sur kiu estas dismarkitaj la specialaj kolumnoj 1–6 kaj 73–80

Fortrano taŭgas por sciencaj (fizikaj) problemoj, ĉar ĝi subtenas trajtojn kiaj varieblaj datumaj vicoj, kompleksaj nombroj, interna potenciga operacio, lerta traktado de nombroprecizo, ktp. Krome, jam ekzistas grandaj bibliotekoj da Fortranaj programoj. Tiuj programoj ofte temas pri malsimplaj nombraj algoritmoj, kiujn estus malfacile (t.e. multekoste) traduki en aliajn lingvojn.

Jen simpla ekzemplo de Fortrana programo:

       PROGRAM AVERAGXO
! Komputi la averaĝon de listo de nombroj
!
      INTEGER N
      REAL X, SUMO, MEZUMO
!
      DO
         READ *, X
         IF (X .GT. 0.0) THEN
            SUMO = SUMO + X
            N = N + 1
         ELSE
            EXIT
         ENDIF
      END DO
      MEZUMO = SUMO / REAL (N)
      PRINT 20, MEZUMO
   20 FORMAT (1X, 'LA MEZUMO ESTAS ', F6.2)
      END PROGRAM AVERAGXO

Eksteraj ligiloj

• Kategorio Fortrano en la Vikimedia Komunejo (Multrimedaj datumoj)

• GNU Fortran 95
• Fortrano ĉe la Projekto por Malferma Katalogo
• The Fortran Saga, historio de Fortran Arkivigite je 2003-02-18 per la retarkivo Wayback Machine (angle)

Noto

1. NPIV.

PeEnEo: 1224 GND: 4017984-9 LCCN: sh85050987 BNF: 11931442r NKC: ph117563 BNE: XX531008