Florence Harriet Hanbury

Florence Harriet HANBURY [hanbri] (7-a de majo 1864 en London – 1955) estis brita esperantistino kaj redaktantino de Kristana Revuo. Ŝi laboris profesie kiel bibliotekisto. Verkoj kaj tradukoj en Himnaro Esperanta, Adoru Kantante, Holanda Pioniro kaj Kristana Revuo:

• Dio, la Homaro kaj la Milito, 1916 (eseo de G. Campbell Morgan, kuntradukis kun W. Hamilton Webber, 69 p.)
• Nova Pandoro, 1925 (unuakta teatraĵo, parte originala, parte el la angla teatraĵeto de Jessie Band, 14 p.)

Florence Harriet Hanbury
Persona informo
Naskiĝo	7-an de majo 1864 (1864-05-07)
Morto	30-an de novembro 1954 (1954-11-30) (90-jaraĝa)
Lingvoj	Esperanto
Ŝtataneco	Unuiĝinta Reĝlando
Okupo
Okupo	esperantisto
v • d • r

Recenzoj

Pri Dio, la Homaro kaj la Milito

„ Tiu ĉi estas kolekto de 6 predikoj faritaj je la komenco de la milito de konata kaj elokventa angla pastro, sub la jenaj titoloj Tiu ĉi Mallumo, La Valo de Decido, La Sankteco de Homeco, La Delegado de la Aŭtoritato de Dio, La Devenoj de Civilizacio, La Paco de Dio. En ĉi tiuj predikoj D-ro Morgan zorge ekzamenos [tiel] la spiritan aspekton de la nuna konflikto, kaj serĉas lumon por ĝia esploro el la instruo de la Biblio kaj de Kristanismo. De la komenco, profunde konvinkite, pri la praveco kaj justeco de Brita partopreno en la milito, li tamen “ metas la kulpon pri tiu ĉi aparta milito sur neniun personon,” kaj lia celo estas, do, ne blinde fari riproĉojn, sed esplori falsajn filozofiojn kaj principojn, kaj samtempe konsoli kaj kuraĝigi siajn aŭdantojn pri estantaj kaj estontaj tagoj. Krom kelkaj eraretoj [ekz., teroro, p. 9; sulfero, p. 58; demandas (postulas), p. ; Romanum, p. 59; objectiva, p. 70) kaj dubaj vortoj [sieĝantaĵo, p. 20 ; skalilo (skalo), p. 24; psikocio (? psikozo), pp. 9, 11; malciti (ne citi), p. 12; elĉerpiĝo (? senfortiĝo), p. 59] la teksto estas en bona kaj flua Esperanto, kaj la tradukintoj tre lerte plenumis sian malfacilan taskon. Eble tia libro ne povos tre vaste vendiĝi, sed al ĉiuj amantoj de elokventaj predikoj kaj pensado pri moralaj problemoj mi kore rekomendas ĉi tiun legindan aldonon al nia serioza literaturo. ” — L. La Brita Esperantisto - Numero 142, Oktobro (1916)

Eksteraj ligiloj

• Biografieto

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.

Ĉi tiu artikolo ankoraŭ estas ĝermo pri esperantisto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

PeEnEo: 18346 GND: 1124400222 LCCN: nb2019002536 VIAF: 396144782727692340797