Remove ads
La flago de Francio estas la nacia emblemo de Francio, laŭ la dua artikolo de la franca konstitucio de 1958. Ĝi ofte estas nomata drapeau tricolore (aŭ tricolore), kiu signifas “trikolora flago”: ĝi ja havas tri vertikalajn bendojn bluan, blankan kaj ruĝan. Ĝiaj proporcioj estas 2:3, kaj la bendoj estas samlarĝaj.
La blanko estis la koloro de la monarkio, kaj la bluo kaj ruĝo tiuj de Parizo. La flago estis adoptita la 15-an de februaro 1794.
Dum longa tempo, la tri bendoj ne estis samlarĝaj (la proporcioj estis 30:33:37), kaj la masto estis ĉu ĉe la blua flanko, ĉu ĉe la ruĝa. Napoléon Bonaparte decidis, ke la tri bendoj estu samlarĝaj, kaj ke la masto estu ĉe la blua flanko.
La francaj ŝipoj – militaj kaj civilaj – plu uzas la antaŭan flagon, kun malsamlarĝaj bendoj.
La franca Prezidento Emmanuel Macron decidis ŝanĝi la bluan koloron de la flago de Francio, omaĝe al la franca revolucio. La konsilisto Arnaud Jolens proponis al la prezidento ŝanĝi la bluan koloron de la flago staranta malantaŭ la prezidento okaze de oficialaj deklaroj kaj diskursoj. Iom post iom, oni ŝanĝis ĉiujn flagojn flirtantajn ĉe la Prezidenta Palaco. Laŭ oficiala komuniko de la Prezidento, temas pri la blua koloro uzita dum la Franca Revolucio, ĝi ankaŭ estas la koloro de la francaj flagoj dum la unua kaj dua mondmilitoj. En la jaro 1976, la Prezidento Valéry Giscard d’Estaing decidis uzi pli helan kaj brilan koloron bluan, simila al la eŭropunia flago.[1]
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads