itala juristo kaj unitarista teologo From Wikipedia, the free encyclopedia
Fausto SOZZINI - naskiĝis la 5-an de decembro 1539 en Sieno, mortis la 3-an de marto 1604 en nobela bieno de la vilaĝeto Lusławice proksime de la urbeto Zakliczyn en la nuna distrikto Tarnów, Pollando), estis itala juristo kaj unitarista teologo kaj fariĝis, kune kun sia onklo Lelio Sozzini, gvida figuro de la speco de unitarismo, kiu poste estis nomita socinismo.
| Fausto Sozzini | |
|---|---|
 | |
| Persona informo | |
| Naskonomo | Fausto Paolo Sozzini |
| Naskiĝo | 5-an de decembro 1539 en Sieno,  Respubliko Sieno |
| Morto | 4-an de marto 1604 (64-jaraĝa) en Lusławice, Lesser Poland Voivodeship, Krono de la Regno de Pollando,  Respubliko de Ambaŭ Nacioj |
| Tombo | Lusławice, Lesser Poland Voivodeship (en)   |
| Lingvoj | latina • itala • pola |
| Ŝtataneco | Svislando |
| Familio | |
| Patro | Alessandro Sozzini (en) |
| Infano | Agnieszka Wiszowata (en) |
| Okupo | |
| Okupo | teologo |
Sozzini estis la dua infano de Alessandro Sozzini kaj lia edzino Agnese Petrucci, post filino Fillide. Li estis orfigita en frua aĝo kaj estis akceptita fare de lia onklo Celso. Li studis juron en Bolonjo kaj de frua aĝo interesiĝis pri teologiaj demandoj. Li devis forlasi sian hejmurbon Sieno en 1559 kaj vivis en Zuriko de 1562. Konservante kaj studante la literaturan heredaĵon de lia onklo Lelio Sozzini, li ankaŭ akiris siajn teologiajn konvinkiĝojn. En 1563 li revenis al Italio kaj estis sekretario ĉe la Florenca kortego dum dek du jaroj, dum la lastaj jaroj de la regado de Kozimo la 1-a de Mediĉo. En 1574 li devis denove fuĝi de la katolika inkvizicio kaj iris al Bazelo, kie li daŭre okupiĝis pri teologiaj studoj. En 1578 li transiris al Transsilvanio por agi kiel arbitraciisto en teologia disputo inter la unitaristoj Ferenc Dávid kaj Giorgio Biandrata - sen sukceso. Same malsukcese li batalis la sekvan jaron en Krakovo anabaptistajn tendencojn de la Polaj fratoj, unitarista komunumo de la Radikala Reformacio en tiama Pollando-Litovio. Daŭris ĝis 1603 ke anabaptistaj tendencoj estis ekskluditaj de la unitara komunumo.
En la jaroj 1583-1587 Sozzini vivis en la vilaĝo Pawlikowice apud urbeto Wieliczka, sub la protekto de Krysztof Morsztyn, malaltranga pola nobelo. En 1586 Sozzini edziĝis al sia filino - Elisabeth Morsztyn. De 1587 li vivis denove en Krakovo, kie naskiĝis la sola infano de la geedziĝo - Agnieszka, la patrino de Andrzej Wiszowaty, kiu poste iĝos gvida unitaristo. Post kiam la krakovaj studentoj mistraktis lin kiel herezulo kaj ĉiuj liaj artikoloj estis bruligitaj, li translokiĝis al proksima Lusławice en 1598, kie li pasigis la lastajn jarojn de sia vivo sub la protekto de pola nobelo. Sozzini estis instrumenta en estigado de la "Rakova kateĥismo" (Katechizm Rakowski) de la Polaj Fratoj, kiu unue estis publikigita jaron post lia morto.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
