Semplantoj

Semplantoj (aŭ fanerogamoj, spermatofitoj el la grekaj spermo, semo kaj fito, planto) estas aro de plantoj kies reprodukado fariĝas per semoj. Ĝi enhavas la Spermatophyta, Anthophyta, Embryophyta siphogama. Semplantoj estas ĉefa grupo de la histaj plantoj (Tracheophyta). Ilia komuna trajto estas la estiĝo de semoj. Simile al aliaj grupoj, kiel la filikoj, ili havas radikojn, tigojn kaj foliojn. Ne apartenas al la grupo la grajnaj lepidokarpacoj (Lepidocarpaceae), (Miadesmiaceae) kaj grajnaj (Calamocarpaceae), ĉar la grupo iĝus polifiletika. La Spermatophyta estas monofiletika grupo, kies prauloj estas en la progimnospermoj (Progymnospermae, Archeopteridae), kiuj devenas el la (Psilophytinae).

Kiel legi la taksonomion Semplantoj Spermatofitoj
Pino Pinus sylvestris
Biologia klasado
Domanio: eŭkariotoj Regno: plantoj Subregno: Embriofitoj Embryophyta Trakeofitoj Tracheophyta Superdivizio: Semplantoj SpermatophytaSinnott, 1935[1] kaj Thomas Cavalier-Smith, 1998[2] Divizio: Divizioj Gimnospermoj Gymnospermae Angiospermoj Magnoliophyta
Aliaj Vikimediaj projektoj
Sistematiko en Vikispecioj
Komunejo pri Semplantoj Spermatofitoj
v • d • r

Estas du ĉefaj grupoj:

• la nudsemplantoj (gimnospermoj) kies ovolo (kiu iĝas semo) estas nuda,
  • Ginko - unu specio de arbo
  • Pinofitoj - diversaj specioj, ĉefe arboj, kun strobiloj
  • Gnetales - Gneto (Gnetum), Velviĉio (Welwitschia), kaj Ephedra
  • Cikaso - pli ol 100 specioj

Ginkgo biloba kaj ĝiaj nudaj pendantaj semoj, aŭtune

Magnolia tripetala aŭ ombrelmagnolio (semo el la florplanto)

• la angiospermoj (semujoplantoj), kies ovolo estas protektita en ujo (ovolujo kaj poste drupo, guŝo, silikvo...), estas la florplantoj.

Vidu ankaŭ

• Vegetala reproduktado

Referencoj

1. Sinnott, E. W. 1935. Botany. Principles and Problems, 3d edition. McGraw-Hill, New York.
2. T. Cavalier-Smith (1998). A revised six-kingdom system of life (angle), p. 203–266. Arkivita el la originalo je 2018-03-29. Alirita 2018-11-27.

PeEnEo: 308542 GND: 4076988-4 LCCN: sh85100570 BNF: 126475847 NDL: 00565514 NKC: ph116124 BNE: XX525098