Espéranto France-Est

Espéranto France-Est (EFE) estas franca regiona Esperanto-asocio, kies esperanta nomo estas Orientfranca Federacio de Esperanto (OFE). Ĝi grupigas esperantistojn en la orientfrancaj departementoj Meuse (55), Moselle (57), Meurthe-et-Moselle (54), Bas-Rhin (67), Haut-Rhin (68) kaj Vosges (88). OFE estas membro de la nacia asocio Espéranto-France.

Historio

Origino de la asocio troviĝis en Nancio. En decembro 1902, do mallonge post la apero de Esperanto, du gimnaziaj instruistoj kunvokis publikan kunvenon kaj fondis "la société française de propagation de l'Espéranto". Komence de 1903 komenciĝis Esperanto-kurso por grupo de la touring-club de France. En la jaroj 1903 kaj 1904 la grupo de Nancio kaj tiu de Epinal publikigis komunan jarlibron.

Strukturo

Aktuale la asocion prezidas Edmond Ludwig, kasisto estas André Grossmann kaj sekretario Robert Kueny.

La informilo

La asocia gazeto estas "La informilo", aperanta kvarfoje jare. Estas intensa kunlaborado kun germana regiona asocio BAVELO. Redaktoro ekde la 1980-aj jaroj estas Pol Denis.

• ekzempla eldono de La informilo el marto 2013, 28 koloraj paĝoj Arkivigite je 2021-01-20 per la retarkivo Wayback Machine

Lokaj grupoj

Enkadre de Esperanto France-Est kunlaboras lokaj Esperanto-kluboj en jenaj urboj:

• Nancio: Esperanto – Nancy 54
• Void-Vacon: Groupe Espéranto Meuse - G.E.M.
• Metz: Club d'Esperanto de Metz
• Sarreguemines: Esperanto-stelo
• Thionville: Esperanto Thionville ()
• Betschdorf: Espéranto – Betschdorf
• Strasburgo: Centre culturel Espéranto
• Colmar: TAKE ()
• Mulhouse: Mulhouse Esperanto
• Gérardmer: Espéranto – Gérardmer
• Epinal: Spina klubo (de 2000 ĝis 2003)

Eksteraj ligiloj

Retpaĝo de Espéranto France-Est

Ĉi tiu artikolo ankoraŭ estas ĝermo pri Esperanto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).