From Wikipedia, the free encyclopedia
EY (plennome Ernst & Young Global Limited, konata kiel Ernst & Young ĝis la 1an de julio 2013 [1][2]) estas internacia firmao kun servoj en la kampoj de konsultado, revizorado, impostado kaj akcizokonsultado kaj komercjuro kaj financaj-negocaj transakcioj [3]. Ĝi estas unu el la kvar plej grandaj kontadaj korporacioj en la mondo (la aliaj tri, kiuj kune kun Ernst & Young konsistigas la Grandajn Kvar, estas Deloitte, KPMG kaj PwC).
Ernst & Young | ||
---|---|---|
![]() | ||
![]() | ||
professional services network • organizaĵo vd | ||
Dum | 1989 - nekonata/nuntempe | |
Jura formo | private company limited by guarantee | |
Fondintoj | Arthur Young • Alwin Charles Ernst vd | |
Ĉefestro(j) | Carmine Di Sibio • Mark Weinberger • Jim Turley vd | |
Sidejo | More London | |
Lando | Unuiĝinta Reĝlando (Britio) | |
Estr(ar)o | Carmine Di Sibio • Mark Weinberger | |
Dungitoj | 300 000 (stato: 2022) | |
filiaj kompanioj | Fondation d'entreprise EY pour les métiers manuels • EY-Parthenon • Ḳosṭ, Forer et Gabai vd | |
TTT | Oficiala retejo | |
"Ernst & Young" estas tutmonda organizo, kiu en 2019, havis 260,000 dungitojn kaj funkciis en pli ol 150 landoj. Ĝiaj ĉefaj oficejoj situas en Londono, Anglio [4][5]. En 2010, la korporacio estis vicigita de la revuo Forbes kiel la naŭa plej granda privata firmao en Usono [6][7].
Ĉiujare, EY organizas la plej grandan kreskan programon de la mondo, EY Entrepreneur Of The Year (EOY), por reliefigi kaj honori tiujn, kiuj kreas laborlokojn, daŭran valoron kaj kreskon en la socio. EOY estis komencita en Usono en 1986, kaj nuntempe oklazas en pli ol 50 landoj.
Arthur Young naskiĝis en Glasgovo, Skotlando. Li studis juron sed estis interesita pri bankado kaj investoj. En 1890 li enmigris al Usono por komenci karieron en librotenado. En 1906 li fondis la firmaon Arthur Young & Co. kun sia frato Stanley [8].
Alvin C. Ernest estis naskita en Klevlando, Usono. Post mezlernejo li laboris kiel librotenisto. En 1903 li kaj lia frato Theodore fondis Ernst & Ernst, malgrandan kontada firmao. Ernst elpensis la ideon, ke kontadaj informoj povus esti uzataj por formuli komercajn decidojn kaj influi klientadministradon. Li funkciis kiel modelo por siaj homoj en disponigado de pli profunda kaj ampleksa servo al siaj klientoj. Young ankaŭ poziciigis sin kiel komerca konsultisto kaj ne nur kiel librotenisto [9].
Ambaŭ komprenis la gravecon de la rolo de siaj dungitoj. En 1920, la filozofio de Ernst & Ernst estis "sukceso dependas tute de la karaktero, kapablo kaj diligento de la viroj kaj virinoj kiuj konsistigas la organizon." Young subtenis la kuraĝigon kaj disvolviĝon de fakuloj. En la 20-aj jaroj de la 20-a jarcento li fondis lernejon por laboristoj kaj en la 30-aj jaroj lia oficejo estis la unua, kiu varbis laboristojn el universitataj kampusoj.
Ambaŭ firmaoj rapidis por eniri la mondan merkaton. En 1924 ili kunlaboris kun gvidaj britaj oficoj: Young kun Broads Paterson & Co. kaj Ernst kun Whinney Smith & Whinney. La aliancoj kiujn ili formis estis la unuaj el multaj aliancoj por la du firmaoj, kiuj malfermis branĉojn ĉie en la mondo por servi internaciajn klientojn.
Ernst kaj Young neniam renkontis sed mortis tagojn dise en 1948. Iliaj filozofioj tamen vivis plu, kaj en 1989 la oficejoj kiujn ili fondis iĝis komuna firmao nomita Ernst & Young. La nova organizo rapide lernis utiligi tutmondiĝon, novajn komercajn teknologiojn kaj la gravecon de komerca novigado.
La nomo de la firmao venas de la tutmonda fuzio inter Ernst Winnie kaj Arthur Young kiu okazis en 1989. La devizo de la firmao, aktuale en 2013, estas "Building a better working world" (angle por Konstruado de pli bone laboranta mondo) [10].
Ernst & Young investis peze en konstruado de ĝia konsilanta brako dum la 1980-aj jaroj kaj 1990-aj jaroj. La Usona Sekureco kaj Interŝanĝa Komisiono (SEC) kaj membroj de la investkomunumo komencis esprimi zorgojn pri ebla konflikto de interesoj inter la revizia laboro kaj la konsulta laboro inter la kvin plej grandaj firmaoj en Usono. En majo 2000, Ernst & Young efektivigis formalan kaj kompletan apartigon de siaj konsultservoj vendante ilin al franca IT-servofirmao, Capgemini, por kvanto de 11 miliardoj da dolaroj, kiu estis plejparte pagita en akcioj. Ĝi estis la unua inter la menciitaj firmaoj, kiuj faris tian apartigon. La vendo poste kaŭzis la kreadon de nova firmao nomita Capgemini Ernst & Young, kiu poste estis renomita Capgemini [11].
En 2002, Ernst & Young kunfandiĝis kun la plimulto de la firmao Arthur Andersen tutmonde (kiu disiĝis post la Enron- afero), sed la fuzio ne inkluzivis la oficojn en Britio, Ĉinio aŭ Nederlando.
Post la kolapso de Lehman Brothers, Ernst & Young estis akuzita je kunkulpeco en kontada fraŭdo: interkonsento por la mallongperspektiva vendo (reaĉetinterkonsento) de aktivaĵoj estas prezentita kiel "vendo", la mono estas uzata por repagi ŝuldojn tiel ke la raportita ŝuldpozicio estas malgranda kaj falsa reprezentado de financa forto estas kreita ĝis la firmao reaĉetas la aktivaĵojn. Ernst & Young asertis ke ĝi agis laŭ ĝenerale akceptitaj kontadaj principoj, sed akuzo estis procesigita kontraŭ ĝi fare de la novjorka Ĝenerala Prokuroro en 2010 kiu deklaris ke la firmao estis implikita en "masiva kontada fraŭdo" [12].
Ĉiu membrolando de Ernst & Young apartenas al unu el la sekvaj kvar geografiaj regionoj:
Ĉiu geografia regiono havas identan komercan strukturon kaj ununuran administran teamon gviditan de la regiona administra partnero, kiu estas parto de la tutmonda estraro de direktoroj.
La firmao havas kvar ĉefajn servliniojn (en krampoj: la parto de enspezoj por 2010) [13]:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.