From Wikipedia, the free encyclopedia
La Eŭropa Medicina Agentejo (angle The European Medicines Agency, akronime EMA) estas reguliga agentejo de la Eŭropa Unio por taksi medicinajn produktojn kaj medikamentojn [1][2]. La EMA certigas sciencan taksadon, superrigardon kaj monitoradon de medikamentoj por homoj kaj bestoj en la EU. Ĝia sidejo estas en Amsterdamo [3].
| Eŭropa Medicina Agentejo | |||||
|---|---|---|---|---|---|
 | |||||
.jpg) | |||||
decentralised agency of the European Union (en)  regulatory agency (en)  | |||||
| Komenco | 1995 vd | ||||
| Geografia situo | 52° 20′ 14″ N, 4° 53′ 7″ O (mapo)52.3371111111114.8852222222222 | ||||
| Lando(j) | Nederlando vd | ||||
| Sidejo | Amsterdamo | ||||
| Adreso | Domenico Scarlattilaan 6, 1083 HS Amsterdam | ||||
| |||||
 Eŭropa Medicina Agentejo | |||||
| |||||
| Retejo | Oficiala retejo | ||||
La EMA estas la farmacia aŭtoritato por la tuta EEA-areo kaj similas al la Usona Administracio pri Manĝaĵoj kaj Medikamentoj (FDA), sed male al la FDA, ĝia strukturo ne estas centralizita.
La agentejo estis establita en 1995 kun financado de la Eŭropa Unio kaj la farmacia industrio, en provo pliigi kunlaboron kaj plibonigi sinkronigon inter la ekzistantaj reguligaj korpoj en la EU-landoj. Inter la fenomenoj kiujn la fondintoj klopodis trakti estis la protektismo en la diversaj drog-aprobaj aŭtoritatoj, kie medikamentoj konkurantaj kun surloke produktitaj medikamentoj foje ne estis aprobitaj, kaj la altaj kostoj truditaj al la drogkompanioj kiuj devis submeti aprobpetojn al granda nombro da korpoj. La diskutoj inter la diversaj registaroj pri la starigo de la agentejo daŭris ĉirkaŭ 7 jarojn.
EMA protektas publikan kaj bestan sanon en 27 membroŝtatoj de la Eŭropa Unio, same kiel en la landoj de la Eŭropa Ekonomia Areo (EEA), kun la celo, ke ĉiuj medikamentoj haveblaj sur la EU-merkato estu sekuraj, efikaj kaj de alta kvalito. Ĝi ankaŭ ludas rolon en subteno de esplorado kaj novigado en la farmacia industrio, antaŭenigante novigon kaj la disvolviĝon de novaj medikamentoj de eŭropaj mikro-, malgrandaj kaj mezgrandaj kompanioj. La sciencaj komitatoj de EMA disponigas sendependajn rekomendojn pri medikamentoj por homa kaj bestkuracista uzo, surbaze de ampleksa scienca taksado de datumoj.
Interalie, la EMA konsistas el sep sciencaj komitatoj kiuj taksas merkatajn rajtigojn por diversaj medikamentoj kaj faras monitoradon de kromefikoj ene de la EEA-areo. La konkludoj de tiuj komisionoj estas fundamentaj por la taksoj de la medikamentagentejoj de la membroŝtatoj por merkatiga aprobo de medikamentoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
