Carl Emil Ohlsson

Carl Emil OHLSSON [ulson], naskiĝis la 18-an de oktobro 1885 en Malmö, estis sveda magistro de filologio, ŝtatlerneja instruisto de modernaj lingvoj kaj Esperanto-pioniro en Svedio.

Carl Emil Ohlsson
Persona informo
Naskiĝo	18-an de oktobro 1885 (1885-10-18)
Morto
Lingvoj	Esperanto
Ŝtataneco	Svedio
Okupo
Okupo	esperantisto
v • d • r

Ohlsson fariĝis Esperantisto kiel gimnaziano per legado de artikoloj de Per Ahlberg en 1904. Li estis estrarano de Sveda Esperanto-Federacio (SEF) kaj sekretario de Sveda Esperanto-Instituto (SEI) de 1932 ĝis 1933. Ohlsson vojaĝis tre ofte en eksterlando pere de Esperanto. En 1927 li faris Esperanto-paroladojn pri Svedujo en 35-36 lokoj de la tiama Ĉeĥoslovakujo kun lumbildoj kaj filmo. Li gvidis kursojn kaj verkis artikolojn, krome lernolibron laŭ ideogramatiko en 1925. Lia sveda-Esperanta kaj Esperanta-sveda poŝvortaroj (Dubbel fickordbok i Esperanto) unue aperis en 1928, 2-a plivastigita eld. en 1931, 4-a senŝanĝa eldono en 1934 kaj 5-a kaj lasta, ankoraŭfoje reviziita eldono en 1939.

Verkoj

• Nationernas Forbund om Esperanto som Internationellt sprak. Eld. Förlagsföreningen Esperanto U.P.A., Stolkholm, 1923.
• Dubbel fickordbok i Esperanto.

Eksteraj ligiloj

• Libroj^{[rompita ligilo]} de kaj pri Carl Ohlsson en la Kolekto por Planlingvoj kaj Esperanto-Muzeo
• Svedaj Esperanto-vortaroj Arkivigite je 2010-06-13 per la retarkivo Wayback Machine en Ockey, Edward; Sutton, Geoffrey. Bibliografio de Vortaroj kaj Terminaroj en Esperanto 1887-2002. Rotterdam: Universala Esperanto-Asocio 2003.

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.