Campbell River
From Wikipedia, the free encyclopedia
Campbell River estas urbo en Brita Kolumbio ĉe la orienta marbordo de Vankuvera Insulo je la suda finaĵo de Trapasejo Discovery.
| Campbell River | |
| angle: Campbell River | |
| urbo | |
 Panorama vido al urbo Campbell River | |
| Oficiala nomo: Campbell River | |
| Ŝtato |  Kanado |
|---|---|
| Provinco | Brita Kolumbio |
| Regiono | Vankuvera Insulo |
| Distrikto | Comox-Strathcona |
| Historia regiono | Kvakiutlanoj |
| Najbaras kun | Georgia Markolo |
| Situo | Campbell River |
| - koordinatoj | 50° 01′ 28″ N 125° 14′ 51″ U (mapo) |
| Areo | 143,12 km² (14 312 ha) |
| Loĝantaro | 31 186 (2011) |
| Denseco | 217,9 loĝ./km² |
| Fondita | 1855 |
| Urbestro | Walter Jakeway |
| Horzono | Pacifika horzono (UTC-8) |
| - somera tempo | Pacifika horzono (UTC-7) |
| Poŝtkodo | |
  Situo enkadre de Kanado
| |
 Situo enkadre de Brita Kolumbio
| |
 Situo enkadre de Nord-Ameriko
| |
 Vikimedia Komunejo: Campbell River, British Columbia | |
| Retpaĝo: www.campbellriver.ca | |
 | |
Laŭ la stato de 2016 en la urbo vivis 32 588 loĝantoj sur areo de 143,12 kvadrataj kilometroj, kio rezultigas loĝdenson de 228 loĝantoj/km². Laŭ la censo de 2006 Campbell River havas 29.572 loĝantojn kaj estas delonge konata kiel la plej bona loko de la mondo por kapti salmon.
La unuaj homoj ekloĝintaj ĉe Campbell River estis kvakiutlanoj de la laiĥkviltaĥa Unua Nacio, membroj de la triboj Weewaikai (ĉe Kabo Mudge) kaj Wewaykum (ĉe Campbell River).
Oni povas atingi la urbon per Flughaveno Campbell River; per akvoaviadila bazo nomata YHH ĉe Haveno Campbell River; per ŝipoj de Pramoj BK, kiuj regule kursas inter Campbell River kaj Insulo Quadra; kaj per la ŝoseoj konektantaj Campbell River kun tiaj najbaraj urboj kiel Courtenay, Sayward, Gold River, kaj Port Hardy.
Ekonomio
La loĝantoj de Campbell River dependas de la forstada industrio, la minada industrio (en Campbell River loĝis multaj famaj ministoj, inter ili Curtis Davidsen), la fiŝkapta industrio, kaj turismo. Oni povas diri ke ĝi estas la monda "ĉefurbo" por kaptado de salmoj, kvankam oni ankaŭ povas diri la samon pri la proksima Port Alberni. Campbell River estas fama pro sporta fiŝkaptado kaj multaj turistoj venas fiŝkapti ĉi tie. Ĝi ankaŭ estas grava centro por la fiŝ-farma industrio, kaj multaj pluraj fiŝ-farmaj entreprenojn havas siajn ĉef-oficejojn en ĉi tiu urbo.
La konstruado en 1948 de hidroelektra digo ĉe Akvofaloj Elk far la Energia Korporacio de BK — poste nomita Elektro-produkta Stacio John Hart — permesis al Crown Zellerbach konstrui la Paperfabrikon Elk Falls en 1952, kio multe plibonigis la ekonomion de Campbell River. La fabrikon nuntempe posedas Catalyst Paper Corporation, kaj ĝi daŭre estas la plej granda dunganto en la urbo.
NVI Mining funkciigas la minejo de zinko, oro, kaj arĝento ĉe Akvofaloj Myra en la apuda Provinca Parko Strathcona. Quinsam Coal funkciigas subteran karbominejon sudokcidente de la urbo. La minejoj laborigas centojn da homoj, de kiuj multaj loĝas en Campbell River.
La urbo estas ankaŭ daŭre kreskanta merkato por emerituloj Arkivigite je 2007-09-28 per la retarkivo Wayback Machine. La konstruado progresas vigle en Campbell River, kaj pli kaj pli da emerituloj elektas translokiĝi ĉi tien de aliloke en Kanado por aĉeti domon kaj ĉi tie travivi sian viv-aŭtunon.
Nun funkcias ankaŭ doko por kroz-ŝipoj. Kroz-ŝipoj ĉiutage preterpasas la urbon, sed antaŭe ili neniam haltis. Nun oni do antaŭvidas ke la doko allogos ilin, alportante multajn novajn enspezojn de turismo. Oni antaŭvidas ke 150 homoj laboros plentempe ĉe la doko, kaj kalkulas ke la regiono enspezos $8,4 milionoj jare (laŭ raporto en la ĵurnalo Campbell River Mirror[rompita ligilo] en decembro de 2003.) La doko estas nun finkonstruita kaj pluraj kroz-ŝipoj vizitos dum 2007 (laŭ raporto en la ĵurnalo Campbell River Mirror en januaro de 2007).
Historio
Kapitano George Vancouver atingis Campbell River kun la ŝipoj HMS Discovery kaj HMS Chatham en la jaro 1792. La kapitano kaj lia botanikisto, Archibald Menzies, malkovris malgrandan tribon de 350 homoj de la Unuaj Nacioj kiuj parolis saliŝan lingvon. Militgrupo de laiĥkviltaĥoj, peze armita per eŭropaj pafiloj, remis suden de Markolo Johnstone meze de la 19-a jarcento kaj jam regis en la regiono kiam la ŝipo HMS Plumper sub estrado de kapitano George Henry Richards venis al Rivero Campbell je kartografia misio en 1859. D-ro Samuel Campbell estis la ĥirurgo de la ŝipo, kaj historiistoj kredas ke ĝuste lian nomon ricevis la rivero kiu nun trafluas la urbon. La komunumo alprenis la nomon "Campbell River" kiam oni tie konstruis ĝia poŝtoficejo en 1907[1] Simile la nomon de la leŭtenanto de la HMS Plumper, Zachary Mudge, ricevis la proksima kabo je la suda finaĵo de Insulo Quadra, Kabo Mudge.
Sport-fiŝkaptistoj alveturis ĉi-regionon jam en la 1880-aj jaroj, precipe post kiam ili aŭdis rakontojn de tiel famaj fiŝkaptistoj kiel Sir Richard Musgrave kaj Sir John Rogers. La fiŝkaptista klubo Campbell River Tyee Club fondiĝis en 1924 pro zorgoj pri troa kaptado de la salmaro, sed tio nur pligrandigis la popularecon de la regiono. E.P. Painter, ekzemple, transloĝiĝis al Campbell River la sekvan jaron kaj malfermis sian hotelon Painter's Lodge en 1929. Komerca fiŝkaptado estis granda industrio de Campbell River dum multaj jaroj. La urba juĝisto Roderick Haig-Brown aĉetis fiŝkaptan dometon en Campbell River kaj tie verkis plurajn librojn pri permuŝa fiŝkaptado kiuj estas famaj kaj mult-ŝatataj tutmonde.
Industria forstado komencis en la 1920-aj jaroj per la agado de Merrill Ring kaj Kompanio, Bloedel, Stewart kaj Welch kaj Comox Logging. Granda fajro en la arbaro ekbrulis proksime de Lago Buttle Lake kaj bruligis la plimulton de la valo en 1938. Estis grandaj forstistaj barakaroj ĉe Rock Bay, Menzies Bay, kaj Englewood.
Campbell River prosperis post la 1912 kaj ĝi fariĝis provizejo por la nordo de Vankuvera Insulo, por Insulo Quadra, kaj por Insulo Cortes. Oni mezuris vojon por la Fervojo E kaj N ĝis Campbell River, kvankam oni konstruis la fervojon nur ĝis Courtenay, kvardek mejlojn sude. Post la Dua Mondmilito, Campbell fariĝis prospera industria centro servanta novan paperfabrikon ĉe la Rivero Elk kaj apudajn urbetojn kiel Tahsis kaj Gold River, kie ankaŭ estis paperfabrikoj. Forstado kaj minado en la regiono ankaŭ prosperis. Estas minejo de zinko kaj plumbo kaj karbominejo proksime al la urbo, kaj iom norde funkciis ankaŭ kuprominejo.
Klimato
Campbell River havas mildan klimaton, kun temperaturoj kutime inter 0 °C kaj 32 °C tutjare. La plej multa precipitaĵo falas dum novembro, meze 218.0 millimeters. En januaro kutime neĝas plej multe, meze 152 milimetrojn dum la monato, sed nur 10 milimetroj kolektiĝas. Dum la vintro arktaj ventoj de la enlanda parto de Brita Kolumbio fojfoje atingas la marbordon portante minus-nulajn temperaturojn. Se malalt-prema sistemo venas de la Pacifiko tiutempe povas esti granda neĝofalo. Oni foje mezuris la faladon de pli ol 45 cm da neĝo dum 24-hora periodo en Campbell River: plej multe falis dum unu diurno 53,3 cm, en 1978.
- Klimatostatistiko estas de la meteologia stacio ĉe Flughaveno Campbell River[2].
Ĝemel-urboj
Edukado
La publikajn lernejojn de Campbell River administras la Lerneja Distrikto 72 Campbell River.
Aliaj faktoj
Campbell River troviĝas proksime de markolo Seymour, kie okazis la plej granda artefarita ne-nuklea eksplodo. En la jaro 1958 ministoj de Campbell River elfosis tunelon dum 28 monatoj por meti eksplodaĵojn kaj detrui navigan danĝeraĵon kun la nomo Roko Ripple, subakva rokpinto kiu igis la markolon tiel danĝera ke Kapitano George Vancouver asertis ke ĝi estas "one of the vilest stretches of water in the world (unu el la plej aĉaj akvejoj de la mondo)" kiam li navigis laŭ ĝi en 1792[3]. Apud Markolo Seymour estas Golfeto Menzies.
Referencoj
Eksteraj ligiloj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
