From Wikipedia, the free encyclopedia
Busiro (greke Βούσιρις, latine Busiris) estis en la helena mitologio egipta reĝo, filo de la mara dio Pozidono kaj Lisianaso, filino de la unua egipta reĝo.
Busiro | |
---|---|
![]() | |
rolulo de helena mitologio | |
Informoj | |
Sekso | vira |
Patro | Pozidono |
Patrino | Anippe |
Infanoj | Amphidamas |
Egiptaj mitoj lian nomon ne konas, en la grekajn mitojn li eniris en legendo de la heroo Heraklo.
Dum regado de la reĝo Busiro estis en Egiptio naŭ longajn jarojn daŭrantaj grandaj sekecoj, rikoltomankoj kaj malsatmortado. Laŭ orakolo de kipra divenisto Trasio eblis la rikoltomankon forbeni, se estos ĉiujare al Zeŭso oferita unu eksterlandano. Busiro kiel la unua oferis la diveniston. Laŭ lia ordono oni poste ĉiujare oferadis eksterlandanon.
La lasta estus la granda heroo Heraklo, kiu transiris Egiption irante de la ĝardeno de Hesperidinoj, kie li plenumis la dek unuan taskon por la reĝo Eŭristeo. En suda parto de Egiptio Heraklo, honore al sia naskiĝurbo Tebo, fondis urbon Tebo, "la urbon de cent pordegoj".
Poste laŭ la helena mitologio li estis ĉe la reĝo Busiro kaptita kiel tiujara ofero. Sed la ofero neefektiviĝis, ĉar ĉe la oferaltaro Heraklo disŝiris siajn katenojn kaj mortigis la pastron, la reĝon kaj lian filon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.