La bulbotubero (latine bulbotūber) aŭ firma bulbo[1] aŭ (laŭ PIV evitinde[2]) kormo (latine cormus) estas la mallonga, vertikala, ŝvelinta subtera tigo (bulbosimila tubero) de plantoj (kutime ĉe unukotiledonaj), servanta kiel rezervaĵa organo por travivi vintron aŭ aliajn malfavorajn kondiĉojn kiel someran sekegon kaj varmegon (trasomerumo). La bulbotubero estas tipe ĉirkaŭata de protekta maldikaj membranoj, tunikoj aŭ skvamoj. Interne la bulbotubero konsistas el amelo-entenaj parenĥimaj ĉeloj. La bulbotuberoj povas esti elfositaj kaj uzataj por plurobligo (reprodukto) de la planto (ekz. taro aŭ kolokasio). Ili estas similaj ekstere al bulbo, tiel oni kelkfoje erare nomas ilin per tiu nomo.
Jen kelkaj specioj de kultivataj plantoj, kiuj havas bulbotuberojn:
- Multaj plantoj el la familio iridacoj, kultivitaj por siaj floroj (krokuso, gladiolo, iriso, kaj Montbretia)
- kolokasio (taro) kaj similaj plantoj de arumacoj.
Bulbotuberoj de Colocasia esculenta
Bulbotubero de Crocosmia
Bulbotubero de Gladiolus
Bulbotuberoj de Crocus chrysanthus
Bulbotuberoj de Kabuyea hostifolia
Bulbotuberoj de la banano (Musa)
.jpg)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
