Bellwald estas komunumo en la distrikto Goms en Kantono Valezo, Svislando. Ĝi havis 438 loĝantojn je la 31-a de decembro 2012.
 |
Por samtitola artikolo vidu la paĝon Fürgangen-Bellwald Talstation (stacidomo). |
| Bellwald | |
|---|---|
 | |
| Blazono de Bellwald | |
 | |
| komunumo en Svislando | |
| Kantono | Valezo |
| Distrikto | Goms |
| Koordinatoj | 46° 25′ 41″ N 8° 9′ 18″ O (mapo) |
|
| |
| Areo | 13,69 km² |
| Alteco | 1560 m super marnivelo |
| Poŝtkodo | 3997 |
| Komunumkodo | 6052 |
 | |
| Situa mapo de Bellwald | |
Geografio
La komunumo Bellwald Bellwald situas en Supra Valezo alte super la valo de Rodano. La komunuma teritorio en sudo etendiĝas ĝis la valfundo al la riverbordo. La vilaĝo mem situas sur suna teraso. La komunumo konsistas el la vilaĝoj Bellwald, Ried kaj Egg sur la montteraso super la valo, Bodma en la valo de Fiesch, kaj Fürgangen en la valfundo, kie troviĝas la kantona ĉefvojo kaj la stacidomo.[1]
La teritorio de la komunumo etendiĝas sur areo de 13,69 km², de kiuj 17,6% estas kovritaj de arbaro, 43,8% servas por agrikulturo kaj 5,2% por setlado. [2]
Najbaraj komunumoj
La komunumo Bellwald limas en okcidento kaj nordo al Fieschertal, en nordnordoriento al Grafschaft, en nordoriento al Blitzingen, en oriento al Niederwald, en sudo al Ernen, kaj en sudsudokcidento al Fiesch.
Trafiko
Tra Bellwald pasas en la valo la kantona ĉefvojo n-ro 19 de Brigo trans Furko-Pasejo al Andermatt kaj la trajnlinio de la Matterhorn-Gotthard-Fervojo. De la stacidomo en la valo aertelfero kaj mallarĝa kurba veturvojo kondukas al la vilaĝoj sur la sunaj terasoj de alte super la rodanvalo.
Historio
La unua dokumenta mencio de Bellwald datiĝas el la jaro 1273 kiel Beliwalt. La vilaĝetoj kuniĝis en la jaro 1384 en la kamparana gildo kaj kreis akvajn regularojn en la jaro 1371 kaj 1436, akvopaŝtejan regularon en la jaro 1499 kaj civitanajn statutojn en la jaro 1555. Bellwald estis dum mezepoko unu de la kvartaloj de la valeza Dekono Goms. Post la konstruo de la fervojo en la jaro 1915 kaj la aertelfero en la jaro 1956 komenciĝis forta evoluo de la turismo.[3]
Monda naturheredaĵo
Esenca parto de la komunuma teritorio apartenas al la regiono Jungfrau-Aleĉ-Bieĉhorno (germane: Jungrau-Aletsch-Bietschhorn), kiu estis la 13-a de decembro 2001 akceptita kiel unua alpa areo kiel Monda Naturheredaĵo de UNESKO.[4]
Notoj kaj referencoj
Vidu ankaŭ
Eksteraj ligiloj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
