Usona famulo (1923–2023) From Wikipedia, the free encyclopedia
Bob BARKER (la 12an de decembro 1923 - la 26-an de aŭgusto 2023) estis usona televidgastiganto.
Barker estis naskita en Darrington, Vaŝingtonio kaj kreskis sur la Rezervejo Rosebud situanta en Suda Dakoto.
Lia patrino estis instruisto kaj post la morto de lia patro, lia familio translokiĝis al Misurio. Li funkciis kiel ĉasaviadisto en la Usona Mararmeo dum Dua Mondmilito.
En 1950 li translokiĝis al Kalifornio, kie li komencis sian karieron kiel prezentisto, diplomiĝis pri ekonomiko kaj elsendis radioprogramon dum 6 jaroj.
En 1956, li gastigis por la unua fojo televidekspozicion nomitan "Truth or Consequences" kaj gvidis la produktadon ĝis 1975.
Li famiĝis pro gastigado de 1972 ĝis 2007 de la televida programo The Price is Right. Krome, li aranĝis la konkursojn Fraŭlino Usono kaj Fraŭlino Universo de 1967 ĝis 1987. Barker, kiu estis konata kiel vegetarano kaj aktivulo por bestaj rajtoj, aŭdis en 1988 ke peltmantelo estis inkluzivita kiel parto de la premioj donitaj al la gajnintoj de la beleckonkursoj kaj apelaciis al la administrado de organizaĵo kun peto nuligi tion. Post ricevado de rifuzo, li retiriĝis de la spektaklo.
Li partoprenis kiel aktoro en la televidserialo Bonanza kaj partoprenis en rolon kiel si mem en diversaj televidproduktadoj.
Dum sia longa kaj sukcesa kariero Barker gajnis 15 Premiojn Emmy, el kiuj 12 premioj por gastigado.
En 1999 al li estis premiita Lifetime Achievement Emmy.
Krome, la Guinness-libro de rekordoj nomis Barker la plej malavara gastiganto en televidhistorio, distribuinte premiojn en laŭtaksa kvanto de pli ol 200 milionoj USD [1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
