From Wikipedia, the free encyclopedia
La Blankakrona sturno (Lamprotornis[1] albicapillus) estas specio de sturno de la familio de Sturnedoj. Ĝi troviĝas en Orienta Afriko nome en Ĝibutio, suda Etiopio, norda Kenjo kaj norda kaj okcidenta Somalio. Pli malgrandaj birdoj el norda Kenjo kaj apuda suda Etiopio estis priskribitaj kiel raso horrensis kiu eble meritas agnoskon, sed necesas pli da studado kaj ĝis tiam estas traktata kiel monotipa.
Blankakrona sturno | ||||||||||||||
---|---|---|---|---|---|---|---|---|---|---|---|---|---|---|
Blankakrona sturno
| ||||||||||||||
Biologia klasado | ||||||||||||||
| ||||||||||||||
Lamprotornis albicapillus (Blyth, 1856) | ||||||||||||||
Konserva statuso | ||||||||||||||
Aliaj Vikimediaj projektoj | ||||||||||||||
Ĝi estas tre rimarkinda sturno grizbruna al nigreca kun tre elstaraj blankecaj partoj en kapo kaj plej subaj partoj. La blanka krono, kiu nomigas la specion kaj en Esperanto kaj en la latina scienca nomo albicapillus, komencas inter frunto kaj okulo kun rozoranĝeca nuanco. Tiu blankeca krono ĉirkaŭas la okulon (kiu montras ankaŭ blankecan irison) kaj malantaŭ la okuloj plilarĝiĝas ĝis antaŭ la nuko. La resto de la supraj partoj estas malhelbrunaj kun malhelverdecaj briloj en ŝultroj kaj flugiloj, kiuj havas blankajn bordojn. La vosto estas longeca kaj horizontale strieca.
En la subaj partoj la gorĝareo estas malhelbruna dum la brusto kaj supra ventro estas malhelbruna tre strieca per vertikalaj blankecaj strietoj. Je la kruroj la tuta suba ventro estas blankeca dum la subvosto estas jam denove malhelbruna; plej rimarkinde estas ke ankaŭ la femuroj kovriĝas el blankeca plumetaro. Kruroj kaj beko estas nigrecaj.
Resume tiu specio havas blankan kronon kiel la samgenra Fiŝera sturno kaj rimarkindan blankan suban ventron kiel la Dukolora sturno.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.