From Wikipedia, the free encyclopedia
Aswad estas brita muzikgrupo de regeo, fama pro aldono de fortaj influoj de ritmenbluso kaj de soulo al sia stilo de regeo.[1] Ili ludis ekde mezaj 1970-aj jaroj, kaj publikigis totalon de 21 albumoj. Iliaj pintosukcesaj unuopaĵoj en Britio estis la unuarangigitoj "Don't Turn Around" (1988) kaj "Shine" (1994). "Aswad" estas anglalingva literumaĵo por araba vorto oor "nigrulo". Ili estis trifoje nomumitaj al premioj Grammy.[2]
| Aswad | |
|---|---|
 | |
| Persona informo | |
| TTT | |
| Retejo | http://www.aswadband.com/ |
La membroj de Aswad estas britaj devenantoj de enmigrantoj el Karibio. Ili studis en la lernejo John Kelly/Holland Park School. Aswad estis formita en 1975 en la areo Ladbroke Grove de Okcidenta Londono.[3]
La originaj membroj de Aswad estis gitaristo/kantisto Brinsley "Chaka B" Forde, drumisto/kantisto Angus "Drummie Zeb" Gaye, ĉefa gitaristo/kantisto Donald "Dee" Griffiths, basisto George "Ras" Oban, kaj klavaristo Courtney "Khaki" Hemmings.[4] Aswad estis la apoga bando de la koncertalbumo de Burning Spear de 1977 nome Live, registrita en la Rainbow Theatre en Londono. Aliaj kontribuantoj estis Vin Gordon kaj Karl Pitterson.[5]
Dekomence, la bando produktis muzikon laŭ la tendenco roots reggae (radika aŭ radikala regeo), kaj membroj kontribuis per individuaj kantoj dum Forde agis kiel ĉefa kantoverkisto de la bando. Poste sekvis diversaj membro- kaj stil-ŝanĝoj. Dum tiu frua periodo en la historio de la bando ili iĝis jam tre diferencaj el la jamajka regeo, en tio ke ili verkis kantojn kiuj temas pri aferoj de la nigraj junuloj kreskiĝantaj en Britio;[4] kiel ĉe "Three Babylon" kaj "It's Not Our Wish", kaj la tre ĵaz-influita instrumenta "Warrior Charge".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
