Alessandro Marcello

Alessandro Ignazio MARCELLO (n. 1-an de februaro 1673 en Venecio; m. 19-an de junio 1747 en Venecio) estis itala nobelulo, kiu montriĝis i.a. kiel poeto, filozofo kaj matematikisto. Hodiaŭ li estas konata same kiel sia frato Benedetto Marcello ĉefe kiel komponisto de la baroko.

Alessandro Marcello
Persona informo
Aliaj nomoj	Eterio Stinfalico
Naskiĝo	24-an de aŭgusto 1673 (1673-08-24) en Venecio
Morto	19-an de junio 1747 (1747-06-19) (73-jaraĝa) en Venecio
Tombo	Villa Giusti (en)
Lingvoj	itala
Ŝtataneco	Venecia respubliko
Alma mater	Universitato de Padovo - matematiko, filozofio
Familio
Frat(in)o	Benedetto Marcello
Okupo
Okupo	komponisto poeto juristo matematikisto filozofo
Verkoj	Hobojo-konĉerto (Marcello)
v • d • r

Vivo kaj verkaro

Alessandro Marcello devenis de venecia patriciofamilio. Li komponis plurajn kolektojn da solokonĉertoj inter ili ses konĉertoj sub la nomo La Cetra (la citro) samkiel kelkajn kantatojn, ariojn, kanzonetojn, kaj violonsonaton. Siajn verkojn li publikis kiel membro de la Accademia dell'Arcadia sub sia "arkadia" pseŭdonimo Eterio Stinfalico.

Lia plej konata verko estas la konĉerto por hobojo kaj orkestro d-minoro, kiun Johann Sebastian Bach poste aranĝis por klaviceno (BWV 974). Tiaj konĉertoj oni ofte uzis kiel filmmuziko en multaj filmoj pro ilia sono emocia kaj kortuŝa, entute indas rememori la finon de Miriam si sveglia a mezzanotte, kiu ĉesas sur notoj tristaj kaj melankoliaj de la hobojo.

Kvankam liaj verkoj hodiaŭ nur malofte estas prezentataj, oni rigardas Marcellon kiel ege kapabla kaj talentita komponisto. Liaj konĉertoj La Cetra estas laŭ Grove "nekutimaj pro iliaj blovinstrumentaj partoj, koncizeco kaj kontrapunkta praktiko ene de vaste laŭ-Vivaldi-a stilo, elstarigante lin kiel lasta antaŭposteno de la klasika venecia baroka konĉerto."

Vidu ankaŭ

• Hobojo-konĉerto

Literaturo

• Héliane Derégis: Alessandro Marcello nel terzo centenario della nascita. (Venezia 1669-1747). Sei cantate da camera. (= Historiae musicae cultores; 26). Olschki, Florenz 1969
• Eleanor Selfridge-Field: The music of Benedetto and Alessandro Marcello. A thematic catalogue, with commentary on the composers, repertory and sources. Clarendon Press, Oxford 1990, ISBN 0-19-316126-5

Fonto

• The Grove Concise Dictionary of Music, Oxford University Press, 1994

Eksteraj ligiloj

• Kategorio Alessandro Marcello en la Vikimedia Komunejo (Multrimedaj datumoj)

• Klangbeispiel: Adagio aus dem Oboenkonzert d-Moll (ĉi tie fuŝatribuita al Benedetto Marcello)
• Konzert d-moll (senkostaj notoj) Arkivigite je 2008-10-25 per la retarkivo Wayback Machine
• Senkostaj muzikaĵoj fare de Alessandro Marcello en la Werner Icking Music Archive ("Muzika Arkivo de Werner Icking")

PeEnEo: 188599 GND: 118951114 LCCN: n81072939 VIAF: 24787894 35255894, 24787894 ISNI: 0000000110536915, 0000000073647359 SUDOC: 145585700 MBA: ff5e5b31-62b5-44cd-a641-4750c7805c54 BIBSYS: 90183155 NKC: xx0022260 ICCU: UBOV535802 BNE: XX1015164