Ĉina ĝibodelfeno

La Ĉina ĝibodelfeno aŭ Hind-Pacifika ĝibodelfeno (Sousa chinensis; en ĉina: 中華白海豚; en pinjino: Zhōnghuá bái hǎitún)^[1] estas specio de ĝibodelfeno kiu vivas en marbordaj akvoj de la oriento de la Hinda Oceano kaj la okcidento de la Pacifika Oceano.^[2] Tiu specio estas ofte referencata kiel Ĉina blanka delfeno en Ĉinio, Tajvano kaj Singapuro kiel komuna nomo. Kelkaj biologoj konsideris la Ĉinan ĝibodelfenon kiel subspecio de la Plumba delfeno (S. plumbea) kiu havas teritorion el Orienta Afriko ĝis Hindio. Tamen, analizoj per DNA montris, ke temas pri du apartaj specioj.^[3] Krome, nova specio (nome Sahula delfeno aŭ Aŭstralia ĝibodelfeno (S. sahulensis)) estis ĵus disigita el S. chinensis kaj agnoskita kiel distinga specio. Tamen, estas ankoraŭ kelkaj nesolvitaj aferoj en la diferencigo de la Hindoceana tipo kaj la Hind-Pacifika tipo de ĝibodelfenoj.

Pink Dolphin

Cetacea range map Pacific Humpback Dolphin

Aspekto

Vosto kun la videblaj griza kaj rozaj koloroj.

Plenkreskulo de la Hind-Pacifika ĝibodelfeno estas griza, blanka aŭ rozkolora kaj povas aspekti kiel albina delfeno. Unike, la populacio laŭlonge de la marbordo de Ĉinio havas pli rozkoloran haŭton,^[4] kaj la roza koloro devenas ne el pigmento, sed el sangovaskuloj kiuj estis superdisvolvigitaj por termoregulado. La korpolongo estas de 2 ĝis 3.5 m ĉe plenkreskuloj kaj de 1 m ĉe idoj. Plenkreskulo pezas 150 ĝis 230 kg. La ĉinaj delfenoj vivas ĝis 40 jaroj, kiel determinis analizoj de ilia dentoj.

Denaske, tiuj delfenoj estas nigraj. Ili ŝanĝiĝas al griza, poste al rozkoloro kun makuloj se junas. Plenkreskuloj estas grizaj, blankaj aŭ rozkoloraj.