Wäldi

Wäldi estas komunumo en la distrikto Kreuzlingen de Kantono Turgovio, Svislando. Ĝi havis 960 loĝantojn je la 31-a de decembro 2007.

Wäldi
Blazono de Wäldi
Preĝejo de Lipperswil
komunumo en Svislando
Kantono	Turgovio
Distrikto	Kreuzlingen
Koordinatoj	47° 38′ 0″ N 9° 5′ 0″ O (mapo)
Nombro de loĝantoj	960
Areo	12,3 km²
Alteco	610 m super marnivelo
Poŝtkodo	8564
Komunumkodo	4701
Mapo de Wäldi
v • d • r

Geografio

Wäldi situas sur la montoĉeno Seerücken norde de la urboj Kreuzlingen kaj Konstanco.

La komunumo konsistas krom el Wäldi mem el la vilaĝoj kaj setlejoj Engwilen, Hefenhausen (kie situas la komunuma administracio), Lipperswil, Sonterswil kaj Hattenhausen.

Najbaraj komunumoj

Wäldi limas en nordo al Ermatingen, en nordoriento al Tägerwilen, en sudoriento al Kemmental, en sudo al Wigoltingen kaj en okcidento al Raperswilen.

Vidindaĵoj

En Lipperswil en Wäldi situas la ludo- kaj bestoparko Connyland, kiu estis fondita de Conny Gasser, kiu gvidis ankaŭ la cirkon Conelli.

Trafiko

Wäldi atingeblas per diversaj poŝtautolinioj ek de Ermatingen, Kreuzlingen kaj Weinfelden.

Historio

La unua dokumenta mencio de la municipo Lipperswil datiĝas el la jaro 1252 kiel Luimprechtswilær, dum Engwilen unuan fojon menciiĝis inter 1301 kaj 1307 kiel Engwille.

La hodiaŭa komunumo estis kreita la 1-an de januaro 1995 per la kunigo de la kvar lokmunicipoj Engwilen, Lipperswil, Sonterswil kaj Wäldi.

Bildaro

• 
  Tombejo de Lipperswil
• 
  Faktrabdomo en Lipperswil
• 
  Komunuma domo de Wäldi en Hefenhausen
• 
  Delfinoj en Connyland
• 
  Hattenhausen

Eksteraj ligiloj

• Kategorio Wäldi en la Vikimedia Komunejo (Multrimedaj datumoj)

• Oficiala retejo de la komunumo Wäldi
• Lipperswil en la Historia Leksikono de Svislando
• Engwilen en la Historia Leksikono de Svislando^{[rompita ligilo]}