komunumo de Svislando From Wikipedia, the free encyclopedia
Vulliens estas komunumo en la distrikto Brojo-Vully en Kantono Vaŭdo, Svislando. Ĝi havis 432 loĝantojn je la 31-a de decembro 2011.
Vulliens | |
---|---|
![]() | |
Blazono de Vulliens | |
Vulliens | |
komunumo en Svislando | |
Kantono | Vaŭdo |
Distrikto | Brojo-Vully |
Geografia situo | CH1903: 550490 / 163646 (mapo)46.6222222222226.7922222222222 |
Nombro de loĝantoj | 432 |
Areo | 6,63 km² |
Alteco | 708 m super marnivelo |
Poŝtkodo | 1085 |
Komunumkodo | 5803 |
![]() | |
Mapo de Vulliens | |
La komunumo Vulliens situas en la Vaŭda Mezlando en la supra valo de la rivero Brojo, kiu formas ĝian sudorientan limon. La okcidentan komunumlimon formas en ravino la rivereto Carouge, kiu en nordokcidento alfluas al Bressonne, siavice ĉe la norda pinto de la komunumo alfluanta al Brojo. La komunumo konsistas el la vilaĝo Vulliens, kaj la vilaĝetoj Champ du Fau, Bramafan, Séppey kaj Bressonnaz Dessus, kaj pluraj izolitaj bienoj.[1]
La teritorio de la komunumo etendiĝas sur areo de 6,63 km², de kiuj 27,0% estas kovritaj de arbaro, 66,6% servas por agrikulturo kaj 5,4% por setlado. [2]
La komunumo Vulliens limas en nordo al Moudon, en nordnordoriento al Chavannes-sur-Moudon, en nordoriento al Montet (FR), en oriento al Ecublens (FR), en sudo al Ferlens, en sudokcidento al Carrouge, en okcidento al Vucherens, kaj en nordokcidento al Syens.
Vuillens situas flanke de la gravaj trafikvojoj. Tra Vulliens pasas konekta vojo de Moudon al Servion. En okcidento la kantona ĉefvojo n-ro 140 de Moudon al Laŭzano tuŝas la komunumolimon. Pere de la aŭtobuslinio n-ro 62 de la entrepreno Transporto Publika de la Regiono Laŭzano de Moudon al Laŭzano la komunumo estas konektita al la publika transportreto. Rekte norde de la komunumlimo en Bressonnaz cetere troviĝas haltejo de la trajnlinio de Moudon al Laŭzano.
La unua dokumenta mencio de Camorino datiĝas el la jaro 1152 kiel Willens. Sur la teritorio de la komunumo estis trovita tombo el la La-Tène-epoko kaj romia fontenputigo. En la 13-a jarcento Vulliens estis la centro de granda senjorujo, kiu post malriĉiĝo de la familio Vulliens estis dividita. Sub la berna regado de 1536 ĝis la Helveta Revolucio de 1798 Vuilles apartenis al la Voktejo Moudon kaj estis sidejo de tribunalo. Post la Helveta Revolucio ĝi estis parto de la Distrikto Moudon, kiu en la jaro 2006 estis integrita al la Distrikto Brojo-Vully.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.