Vitznau (prononcu Vicnaŭ) estas komunumo en la distrikto Lucerno en Kantono Lucerno, Svislando. Ĝi havis 1218 loĝantojn je la 31-a de decembro 2007.
![]() |
Por samtitola artikolo vidu la paĝon Vitznau (stacidomo). |
Vitznau | |
---|---|
![]() | |
![]() | |
komunumo en Svislando | |
Kantono | Lucerno |
Distrikto | Lucerno |
Koordinatoj | 47° 0′ 34″ N 8° 29′ 1″ O (mapo) |
Areo | 11,76 km² |
Alteco | 438 m super marnivelo |
Poŝtkodo | 6354 |
Komunumkodo | {{{kodo}}} |
![]() | |
Geografio
Vitznau situas sude de la monto Rigi ĉe la bordo de la Kvarkantona Lago. La komunumo konsistas el tuta aro da setlejoj kaj vilaĝpartoj. La kernvilaĝon formas la setlejoj Reimen, Zihl, Tschuopis kaj Altdorf, kiuj kunkreskis al longa stratvilaĝo. Tra la komunumo fluas diversaj pli-malpli sovaĝaj riveroj de la monto al la Kvarkantona Lago. Ĉirkaŭ la vilaĝkerno troviĝas pluraj aliaj setlejoj parte ĉe la lagobordo parte sur la sunaj terasoj de la monto.
Najbaraj komunumoj
La komunumo limas en nordo sur la pinto de Rigi al Arth (Kantono Ŝvico), en sudoriento al Gersau (Kantono Ŝvico), en sudo al Ennetbürgen (Kantono Nidvaldo), kaj en okcidento al Weggis.
Trafiko
![Thumb](http://upload.wikimedia.org/wikipedia/commons/thumb/5/50/Vitznau_Park_Hotel.jpg/640px-Vitznau_Park_Hotel.jpg)
Vitznau atingeblas per ŝipo ek de Lucerno, per trajno dentoradfervojo ek de Arth tra monto Rigi aŭ per poŝtaŭto de Brunnen tra Gersau aŭ de Küssnacht tra Weggis.
La dentoradfervojo al la monto Rigi de la fervojkompanio Vitznau-Rigi-Fervojo estis konstruita en la 1871. Ĝi estis la unua dentoradfervojo de Eŭropo. En la jaro 1875 sekvis la fervojlinio de la alia flanko al la kulmino de Rigi, tiel, ke ek de tiam Vitznau estis trans Rigi fervoje atingebla. La fervojlinio laŭlonge de la bordo de la Kvarkantona Lago de Brunnen al Küssnacht neniam realiĝis.
La vilaĝoparto Hinterbergen atingeblas per aertelfero.
Turismo
Ĉar Vitznau estis unu el la tri alirvojoj al Rigi kaj pro ĝia belaga situo ĉe la suna flanko de la monto Rigi, la komunumo allogas multnombrajn turistojn el la tuta mondo. En Vitznau tial ekzistas pluraj belegaj hoteloj en viktoria stilo.
Historio
En mezepoko Vitznau estis kiel parto de la tiama distrikto Weggis posedaĵo de la Monaĥejo Pfäfers. La unua dokumenta mencio de Vitznau datiĝas de la 16-a de decembro 1342 kiel Vitzenöwa. Kiel habsburga posedaĵo la voktejo Weggis, al kiu Vitznau en la 13-a kaj 14-a jarcento apartenis, estis vendita en la jaro 1380 al la urbo Lucerno. Ekde la Helveta Revolucio en la jaro 1798 la komunumo apartenas al la distrikto Lucerno.
Vidu ankaŭ
Eksteraj ligiloj
- Vidu ankaŭ en la Vikimedia Komunejo la kategorion Vitznau – (Kolekto de bildoj kaj plurmediaj dosieroj)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.