The Twilight Zone (televida serio 1959)
From Wikipedia, the free encyclopedia
La Krepuska Zono (angle: The Twilight Zone) estas usona televidserio kreita fare de Rod Serling, kiu ankaŭ funkciis kiel la gastiganto de la serio. Ĉiu epizodo kutimis temigi intrigojn en la kampoj de fantazio, sciencfikcio aŭ hororo, kiuj ofte havis elementon de surprizo ĉe la fino. Pro la granda sukceso de la programo, plenlonga filmo bazita sur ĝi nomita "The Twilight Zone: La Filmo" estis publikigita en 1983, reĝisorita fare de pluraj direktoroj, inkluzive de Steven Spielberg.
| The Twilight Zone | |
|---|---|
| televida serio | |
| Originala titolo | The Twilight Zone |
| Originala lingvo | angla lingvo |
| Origina lando | Usono |
| Ĝenro | fantasta televida serio, sciencfikcia televida serio, antologia serio, horror television series |
| Aktoroj | Rod Serling |
| Muziko de | Bernard Herrmann • Jerry Goldsmith • Leonard Rosenman • Franz Waxman |
| Amplekso | |
| Sezonoj | 5 |
| Epizodoj | 156 |
| Elsendo | |
| Elsendita | 2 okt. 1959 – 19 jun. 1964 |
| Eksteraj ligiloj | |
| Oficiala retejo | |
| ĉe IMDb | |
La unua versio de la serio estis elsendita de 1959 ĝis 1964 kaj estis gastigita fare de Rod Serling, sur la CBS televida reto. Ĝi poste revenis al televido por tri sezonoj de 1985 ĝis 1989 gastigitaj fare de Charles Idman kiam li estis anstataŭigita en 1987 per Robin Ward. La serio revenis al la ekrano por du pliaj sezonoj inter 2002 kaj 2003 (la gastiganto en tiu versio estis Forest Whitaker), sed pro malaltaj rangigoj, la dua sezono estis nuligita.
En 2019, la serio revenis por renovigita sezono gastigita de Jordan Peele. La serio estis renovigita por alia sezono.
The Twilight Zone estas vaste rigardita kiel unu el la plej bonegaj televidserialoj de ĉiuj tempoj. [1]
- "Where Is Everybody" (Kie Estas Ĉiuj) - Viro trovas sin en urbo malplena de homoj kaj ne memoras kiu li estas.
- "Time Enough At Last" (Tempo sufiĉas finfine) - libroamanto (Burgess Meredith) trovas sin en mondo plena de libroj post nuklea milito, sed sen okulvitroj por permesi al li legi ilin.
- "The Monsters Are Due on Maple Street" (La Monstroj estas atenditaj ĉe Strato Acero) - Loĝantoj de kvartalo estas atakitaj de timo de la nekonataĵo post onidiro pri NIFO kiu kraŝis en sia loĝloko kaj elektropaneo kiu sekvas.
- "The Masks" (La Maskoj) - familio de avidaj aristokratoj celkonsciaj heredi la riĉaĵon de sia forvelkanta avo. Ili estas devigitaj meti maskojn sur siajn vizaĝojn laŭ lia peto. Kiam ili demetas ilin, la teruraj maskoj fariĝas siaj propraj vizaĝoj.
- "The Hitch-Hiker" (La Petveturanto) - Dum sia vojaĝo tra la kamparaj vojoj en Usono, la heroino de la rakonto plurfoje renkontas misteran vagabondon, kiu ŝajnas atendi ŝin ĉe la vojo kaj ĉe diversaj haltoj tie kie ŝi preterpasas, kaj donas al ŝi malagrablan senton de maltrankvilo. Poste ĝi montriĝas ke la vagabondo estas la morto mem kaj ke la vojaĝo de la heroino estas vana kaj sencela provo eskapi de la fakto mem ke ŝi estas fakte morta.
- "Mirror Image" (Spegula bildo) - sinjorino atendanta ĉe la fervoja stacidomo estas postkurita fare de sia duoblulo.
- "Elegy" (Elegio) - tri astronaŭtoj surterigas sian kosmoŝipon pro manko de fuelo en urbo kie ĉiuj loĝantoj estas frostigitaj kvazaŭ ili estus humanoidaj skulptaĵoj kreitaj fare de majstra metiisto. Ili malkovras ke ĝi estas fakte tombejo prizorgita fare de maljunulo. La maljunulo trompas la astronaŭtojn kaj igas ilin trinki specialan trinkaĵon kiu aldonas ilin al la galerio de homaj skulptaĵoj.
- "Eye of the Beholder" (Okulo de la Observanto) - Virino kun vizaĝbandaĝo atendas por scii ĉu la operacio, kiu normaligos ŝin, estis sukcesa.
- "The Obsolete Man" (La malaktuala homo) - en futureca mondo, bibliotekisto (Burgess Meredith) estas juĝita al morto post esti konsiderita "malaktuala" fare de la ŝtato.
- "It's a Good Life" (Ĝi estas Bona Vivo) - knabo kun specialaj mensaj potencoj regas sian familion kaj medion laŭ siaj kapricoj.
- "Five Characters in Search of an Exit" (Kvin Roluloj Serĉante Elirejon) - kvin roluloj trovas sin en fermita ĉambro kaj provas eltrovi kiel eskapi el ĝi.
- "To Serve Man" (Servi homon)- eksterteranoj alvenas sur la Teron kaj ofertas teknologian helpon.
- "Nightmare at 20,000 Feet" (Koŝmaro ĉe 20 000 Futoj) - neŭroza paciento (William Shatner) kiu estis liberigita de institucio estas fervora ke li vidas strangan estaĵon sur la flugilo de la aviadilo kiu prenas lin reen hejmen.
- "The Encounter" (La Renkonto) - usonano kiu batalis en la Dua Mondmilito kaj juna japana ĝardenisto (George Takei) estas malliberigitaj en subtegmento. Inter la objektoj en la loko ekzistas ankaŭ samuraja glavo kiu kaŭzas akran konfrontiĝon inter la du.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
