Submara ĉasado
From Wikipedia, the free encyclopedia
From Wikipedia, the free encyclopedia
Submara ĉasado estas speco de fiŝkaptado, kiu iome similas ĉasadon sur la tero. Oni naĝas sub la akvo por trovi fiŝon, aŭ alian marbeston; kaj por kapti ĝin, ofte uzas lancon. Kutime portiĝas naĝiloj, plonĝmasko kaj spirtubo.
Homoj – viroj kaj virinoj [1] - ĉasas fiŝojn submare aŭ por bezono de manĝaĵo, aŭ por sporto, aŭ por komerco, aŭ por akiri specimenojn por scienco.[2] En tropikaj maroj, kelkaj indiĝenoj ĉasas submare por vivteni sin, ofte uzante memfaritan ilaron.
Submara ĉasado (france chasse sous-marine, hispane caza submarina, portugale caça submarina) ankaŭ nomiĝas 'submara fiŝkaptado' (hispane pesca submarina) aŭ 'lanco-fiŝkaptado' (angle spearfishing, germane Speerfischen). Ĉi tiuj esprimoj ne estas tute samsencaj. Laŭ hispana leĝo, se subakviĝita homo kaptas marbeston eĉ per mano, sen lanco, tio ankaŭ estas klasita kiel submara fiŝkaptado (pesca submarina).
La nuna submara ĉasado evoluis el la kutimo trapiki per akrigitaj bastonoj manĝeblajn fiŝojn en malprofundaj akvoj de riveroj, riveretoj, ktp. Tion kutimon oni konas ekde pratempoj. Ankoraŭ hodiaŭ, troviĝas en kelkaj lokoj lanco-fiŝkaptado sen plonĝado.
La plej povaj submaraj ĉasistoj retenas la spiradon por du al kvar minutoj dum ili plonĝas al profundoj de 40 aŭ eĉ 60 metroj. Pli kutime, ĉasistoj retenas la spiradon por proksimume unu minuto kaj plonĝas 15 aŭ 20 metrojn. La uzo de premaerujoj por spiri ankaŭ estas konata, sed ĝi estas multe malpli akceptata de la komunumo de submaraj ĉasistoj. [3]
Dum ĝi movas tra la akvo, lanco malakcelas. Malkiel surtera pafisto, submara ĉasisto devas iĝi pli proksima al la ĉasato. Kelkaj metodoj por alproksimiĝi estas lerneblaj. Ofte oni uzas la naturan scivolon de la fiŝo por logi ĝin.
Inter la iloj uzataj por piki fiŝojn estas
Lanco por fiŝkaptado (kun aŭ sen submara fusilo) ofte havas plurajn pintojn, aŭ renversitajn pikaĵojn, aŭ ambaŭ, por ke la pikita fiŝo ne povas forgliti. La lanco estas simila, sed pli malgranda ol la harpuno, kiu estas ĵetata el boato aŭ ŝipo por kapti balenojn ktp.
La submara ĉasisto povas elekti kian fiŝon kapti – ĉi tio estas pli malfacila por fiŝkaptistoj uzantaj kanojn aŭ retojn. Do, kun taŭgaj edukado kaj reguligo, submara fiŝkaptado povas esti pli ekologie daŭrigebla. [4] Tamen, submara ĉasado estas implikita en la loka neniiĝo de specoj de granda fiŝo, ekzemple en la Kariba Maro.[5]
Aŭtoritatoj de kelkaj landoj (ekz. Germanio, Pollando) malpermesas fiŝkaptadon per lanco; en aliaj ŝtatoj (ekz. Hispanio, Norvegio, Usono, Aŭstralio) ĝi estas permesita kun reguloj. Malpli da lokoj permesas submaran fiŝkaptadon kun spira premaerujo ol sen tio.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
