Studené

Municipo Studené situas en Ĉeĥio, regiono Pardubice, distrikto Ústí nad Orlicí, en submontaro de Orlické hory, ĉe apuda ŝoseo inter Nekoř kaj Těchonín, 12 km oriente de urbo Žamberk. Vivas ĉi tie 183 loĝantoj (2024).

Tiu ĉi artikolo temas pri municipo en regiono de Žamberk. Pri parto de urbo Jílové u Prahy temas artikolo Studené (Jílové u Prahy).

Studené
municipo
Studené
Flago Blazono
Oficiala nomo: Studené
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Jablonné nad Orlicí
Historia regiono	Bohemio
Montaro	Orlica montaro
Situo	Studené
- alteco	547 m s. m.
- koordinatoj	50° 04′ 06″ N 16° 35′ 20″ O (mapo)
Katastro	5,41 km² (541 ha) Studené
Loĝantaro	183 (2024)
Denseco	33,83 loĝ./km²
Unua skribmencio	1670
Horzono	MET (UTC+1)
- somera tempo	MET (UTC+2)
Poŝtkodo	561 64
NUTS 3	CZ053
NUTS 4	CZ0534
NUTS 5	CZ0534 580996
Katastraj teritorioj	1
Partoj de municipo	2
Bazaj setlejunuoj	2
Situo enkadre de Ĉeĥio Situo enkadre de Ĉeĥio
Vikimedia Komunejo: Studené
Retpaĝo: www.studene.cz/obec-studene.aspx
Portalo pri Ĉeĥio

La najbaraj municipoj de la setlejo estas Sobkovice, Těchonín, Mladkov, Pastviny kaj Nekoř.

Partoj de municipo

• Studené
• Bořitov

Historio

Vilaĝo, origine nomata "Studenec", estis fondita en la jaro 1670. Fondis ĝin, kaj ankaŭ vilaĝojn Vlčkovice kaj Vitanov, posedanto de grandbieno Kyšperk Jetřich Vitanovský el Vlčkovice. El listo de loĝantoj videblas, ke la vilaĝo dekomence estis ĉeĥa. La loĝantoj vivtenis sin per laboro en arbaro, per produktado de lignaj aĵoj, teksado kaj per kultivado de malgrandaj kampoj, kiuj ne povis certigi manĝojn eĉ por etkampuloj mem.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	420
1880	463
1890	474
1900	470
1910	459
1921	389

Jaro	Loĝantoj
1930	331
1950	244
1961	229
1970	213
1980	187
1991	153

Jaro	Loĝantoj
2001	160
2011	154
2014	166
2016	180
2017	182
2018	187

Jaro	Loĝantoj
2019	179
2020	185
2021	184
2022	184
2023	186
2024	183

Memorindaĵoj

Kapelo

Kapelo de Sankta Anna en tombejo estas el la jaro 1822. Ĝi estas ununava, oblonga kun trilatera presbiterejo kaj prisma turo okcidente.

Ekipaĵo estas el la unua kvarono de 19-a jarcento. Aparte atentinda estas kalvaria vojo, malgranda analogaĵo de grandaj kalvariaj vojoj el ĉirkaŭaĵo. En sakristio estas valora malgranda bildo de Krista parencaro el la jaro 1730. Orgeno estas ankaŭ el la komenco de 19-a jarcento. Super la altaro estas granda bildo de Sankta Anna (oleopentraĵo 3,5×1,5 m).

Statuoj

Sur tombeja barilmuro estas kvar statuoj:

• Sankta Johano la Baptisto,
• Sankta Johano la Evangeliisto
• Sankta Elizabeta kaj
• Kosmas.

Apud la vojo al Celné troviĝas ŝtona kruco el la jaro 1790.

Kapeletoj

En "Dolní les" (Malsupra arbaro) estas kapeleto de Sankta Anna de kiu fluas rojo de bona akvo.

Sub kabano n-ro 7 estas kapeleto de Sankta Antonio, kiu rememoras nebruligan fulmobaton en la dometon en la jaro 1914.

En arbaro, apud la vojo al Vlčkovice, estas bildeto de Dolorplena Sankta Maria, kiu rememoras morton de lignohakisto, kiu ĉi tie kun peco da pano formanĝis araneon. Liaj kamaradoj kolektis monon por celebrado de lignohakista pilgrima meso ĉe la bildeto, ĉiujare en Dolorplena vendredo. La polgrimon ĉeestas multaj homoj kaj stratvendistoj ankoraŭ nuntempe.

Naturo

Sur sudorienta deklivo de monto Studený troviĝas interesaj rokaj formaĵoj "Studenecké skály".

Turismo

El la vilaĝo gvidas blua turisma pado al Suchý vrch. En Těchonín oni povas deflankiĝi kaj viziti fuortaron Bouda kal pluaj objektoj de ĉeĥoslovakaj antaŭmilitaj fortikaĵoj. Sekvante flavan signaron oni povas veni al la valbaraĵo Pastviny. Trans la vilaĝo gvidas biciklisma traceo n-ro 4069 - "Orlické hory" kaj postulema biciklisma traceo n-ro 4074 inter Říčky-Neratov kaj Suchý vrch.

Literaturo

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.