From Wikipedia, the free encyclopedia
Ĉe fungoj sporokarpo (ankaŭ konata kiel fruktkorpo) estas multĉela strukturo, kie formiĝas spor-produktantaj strukturoj, kiel ekzemple bazidioj aŭ askoj. La fruktkorpo estas parto de la seksa fazo de funga vivociklo, kun la resto de la vivociklo estanta karakterizita per vegetativa micelia kresko kaj senseksa sporoproduktado.
La sporokarpo de bazidiomicetoj estas konata kiel bazidiokarpo, dum la fruktkorpo de askomicetoj estas konata kiel askujo (askokarpo). Signifa gamo da malsamaj formoj kaj morfologioj estas trovita en kaj bazidiokarpoj kaj askokarpoj; tiuj ecoj ludas gravan rolon en la identigo kaj taksonomio de fungoj.
Fruktkorpoj estas nomitaj epigeaj se ili kreskas sur la tero, kiel ĉe ordinaraj fungoj, dum aliaj kiuj kreskas subtere estas hypogeaj. Epigeaj sporokarpoj kiuj estas videblaj al la nuda okulo, aparte fruktkorpoj de pli-malpli agarikoida morfologio, ofte estas referitaj kiel fungoj, dum hypogeaj fungoj estas kutime nomitaj trufoj aŭ falsaj trufoj. Dum iliaj evolucio trufoj perdis la kapablon disigi iliajn sporojn per aerfluoj, anstataŭe disvastigante ilin per besta konsumo.
En amatora fungoserĉado, kaj altagrade en akademia mikologio ankaŭ, identigo de pli altaj fungoj estas bazita sur la ecoj de la sporokarpo.
La plej granda konata fruktkorpo estas specimeno de Fomitiporia ellipsoidea trovita sur la insulo Hajnano. Ĝi longas ĝis 1085 cm kaj pezas inter 400 kaj 500 kg.[1][2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
