Sinopo (luno)

Sinopo estas neregula satelito de Jupitero. Ĝi havas retrogradan orbiton.

Por samtitola artikolo vidu la paĝon Sinopo.

Sinopo
Natura satelito  de Jupitero (IX)
satelito de Jupitero • neregula satelito
Oficiala nomo	Jupitero IX[1],
Nomita laŭ	Sinope vd
Malkovro
Malkovrinto	Seth Barnes Nicholson[1]
Dato de malkovro	21-a de julio 1914[1]
Loko de malkovro	Observatorio Lick[1]
Orbitaj ecoj
Granda duonakso	23 368 614 km[2]
Discentreco	0,2685
Klinangulo	153,976° (rilate al la ekliptiko)
Periodo	729,80 tagoj
Fizikaj ecoj
Diametro	38 km (averaĝe)
Maso - Denso	7,5 × 1016 kg ~2,6 × 103 kg/m3[2] (hipoteze)
Atmosferaj kaj surfacaj ecoj
Albedo Geometria albedo	~0,04[2] (hipoteze) 0,04 vd
Observaj ecoj
Videbla magnitudo	17[2]
v • d • r

Malkovro

Ĝi estis malkovrita^[3] la 21-an de julio 1914 de Seth Barnes Nicholson, en la Observatorio Lick sur la Monto Hamilton, (Kalifornio - Usono).

Ĝi tiam ricevis nur nomon Jupitero IX. Ĝi neniam ricevis maldaŭran nomon: tiu noma sistemo ne tiam ekzistis.

Nomo

La 7-an de oktobro 1975, IAU aprobis^[4] ke ĝi ricevu la nomon Sinopo, (greke; Σινώπη: Sinope)^[5]. En la helena mitologio, Sinopo estis nimfo amata de Zeŭso, kiu sukcesis sin rifuzi al li.

Orbito

La orbito de Sinopo similas tiujn, de la anoj de la pazifaa grupo, grupo da retrogradaj lunoj kies orbitoj havas grandajn duonaksojn inter 22 800 000 kaj 24 100 000 km, kaj klinangulojn inter 144,5° kaj 158,3° rilate al la Jupitera ekvatoro.

Tamen, ĝia koloro estas pli ruĝa ol la ceteraj pazifaaj lunoj, kaj ĝia transruĝa spektro similas tiujn de la D-tipaj asteroidoj; pli griza, Pazifao similas C-tipan asteroidon. Pro tio, Sinopo povus esti objekto sendepende kaptita de Jupitero.

• 
  Diagramo montranta la orbitojn de la neregulaj jupiteraj satelitoj. La pazifaa grupo estas videbla en centro-malalto.
• 
  Diagramo montranta la orbitajn inklinaciojn de la lunoj de la pazifaa grupo en funkcio de la granda duonakso.

Notoj kaj referencoj

1. Paĝaro pri planeda nomenklaturo ĉe la retejo de la usona geologia agentejo USGS (angle)
2. Gvido pri la jupiteraj satelitoj, Jovian Satellite Fact Sheet (Datumoj pri la jupiteraj satelitoj) kaj Planetary Satellite Physical Parameters (angle)
3. Discovery of the ninth satellite of Jupiter (angle)
4. IAUC 2846: N Mon 1975 (= A0620-00); N Cyg 1975; 1975h; 1975g; 1975i; Sats OF JUPITER Nomoj de lunoj (angle)
5. Angle, ĝi ricevis la nomon de Sinope, respektante sugeston de J. Blunck, (pli malfrue oficialigita) kiu proponis, ke la nomoj de retrogradaj lunoj finiĝu per "e", (tio, kiu neeblas en esperanto).

Eksteraj ligiloj

• Kategorio Sinopo (luno) en la Vikimedia Komunejo (Multrimedaj datumoj)

• pole Sinopo, el "Księżyce planet Układu Słonecznego"^{[rompita ligilo]}
• angle Sinopo (angla versio)^{[rompita ligilo]}
• angle Sinopo, el "Solar System Exploration" Arkivigite je 2007-11-09 per la retarkivo Wayback Machine
• germane La pazifaa grupo (el "Projekto Luno")