Sangogrupo laŭ Plena Ilustrita Vortaro de Esperanto estas ĉiu el la specoj de la sango (precipe de homo), distingeblaj per la eblo aŭ neeblo de transfuzo inter du individuoj apartenantaj al malsamaj grupoj. Plej disvastiĝinta skemo de sangogrupoj diferencigas inter kvar grupoj, kiuj nomatas A, B, AB kaj O[1]. Tamen ankaŭ ekzistas pliaj, pli diferencigitaj sistemoj.
Temas pri priskribo de la individua konsisto de la glikolipidoj aŭ proteinoj sur la surfaco de la eritrocitoj de pli kompleksaj bestoj, aparte de la homoj. La diversaj glikolipidoj aŭ proteinoj sur la surfaco de la eritrocitoj efikas kiel antigenoj.
La imuna sistemo de individuo kreas antikorpojn kontraŭ fremdaj antigenoj. Se la sango de diversaj sangogrupoj miksiĝas, la sangaj ĉeloj aglutiniĝas pro la interligo inter la antikorpoj de unu grupo kaj la sangoĉelaj surfacoj de la alia grupo. Tial antaŭ la malkovro de diversaj sangogrupoj transfuzo de sango el unu homo al alia nur tre malofte funkciis (se hazarde la du individuoj havis la saman sangogrupon) kaj ofte finiĝis per morto de la individuo, kiu ricevis fremdan sangon.
La du sekvantaj tabeloj estas absolute respektendaj dum sangotransfuzo:
|
| ||||||||||||||||||||||||||||||||||||||||
Tiele, konsiderante la ABO-sistemon kaj resusosistemon (Rh), la uloj AB+ estas agnoskitaj universalaj ricevantoj, kaj la uloj O- universalaj donantoj de ruĝaj globuloj.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
