![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4f/Templario_en_Santalla_del_Bierzo.jpg/640px-Templario_en_Santalla_del_Bierzo.jpg&w=640&q=50)
Priaranza del Bierzo
From Wikipedia, the free encyclopedia
Priaranza del Bierzo [prjaRANza delBJERzo] estas municipo de la provinco Leono, en la regiono Kastilio-Leono, Hispanio. Ĝi apartenas al komarko El Bierzo, en la okcidento de la provinco. Temas pri areo kie oni parolas la hispanan, la leonan kaj la galegan.
![](http://upload.wikimedia.org/wikipedia/commons/thumb/1/19/Comarcas_agrarias_%28Le%C3%B3n%29.png/250px-Comarcas_agrarias_%28Le%C3%B3n%29.png)
![](http://upload.wikimedia.org/wikipedia/commons/thumb/7/78/Castillo_de_Cornatel_02_by-dpc.jpg/640px-Castillo_de_Cornatel_02_by-dpc.jpg)
![](http://upload.wikimedia.org/wikipedia/commons/thumb/c/cb/Castillo_de_Cornatel_01_by-dpc.jpg/640px-Castillo_de_Cornatel_01_by-dpc.jpg)
Priaranza del Bierzo | |||
---|---|---|---|
![]() | |||
municipo en Hispanio ![]() | |||
Blazono | |||
Administrado | |||
Poŝtkodo | 24448 | ||
Demografio | |||
Loĝantaro | 731 (2023) [+] | ||
Loĝdenso | 22 loĝ./km² | ||
Geografio | |||
Geografia situo | 42° 31′ N, 6° 40′ U (mapo)42.510555555556-6.6680555555556 [+] | ||
Alto | 512 m [+] | ||
Areo | 33,69 km² (3 369 ha) [+] | ||
Horzono | UTC+01:00 [+] | ||
| |||
| |||
Alia projekto | |||
![]() | |||
Ĝia municipa teritorio estas formata de la loĝlokoj Priaranza del Bierzo, Villalibre de la Jurisdicción, Santalla del Bierzo, Paradela de Muces, Villavieja kaj Ferradillo, okupas totalan areon de 33,69 km² kaj laŭ la demografia informo de la municipa censo fare de la INE en 2021, ĝi havis 754 loĝantojn. Ĝi perdis ĉirkaŭ 1 500 loĝantojn el la komenco de la 20-a jarcento pro la migrado el ruraj zonoj al urboj. Ĝi distas 130 km de Leono, provinca ĉefurbo.
Estas atestaĵoj de antaŭromia kaj romia loĝado rilata al la orminado; en Mezepoko okazis reloĝado kaj kadre de la iama loĝado estis konstruita la kastelo Kornatel dum la 11-a jarcento, poste posedo de la Templanoj. La areo apartenis al la Regno Leono kaj suferis pro la militoj kontraŭ Portugalio, pro la ribelo "irmandiña" kaj pro la Milito de Hispana Sendependiĝo. En la jaroj tuj post la Hispana Enlanda Milito la tuta areo de El Bierzo estis rifuĝejo de kontraŭfrankisma gerilo kaj tial okazis oftaj konfliktoj de policaj civilgvardianoj kontraŭ gerilanoj kaj apogantoj.
Tradiciaj enspezofontoj estas agrikulturo (ĉefe vitejoj), brutobredado kaj ĉasado. Lastatempe kultura kaj rura turismo plie ekgravis (popola arkitekturo, historia heredo, piedirado).