From Wikipedia, the free encyclopedia
Preĝejo de Ĉieliro de Maria kune kun la premonstrata abatejo estas romkatolikaj historiaj monumentoj en Hungario, en urbo Csorna, laŭ la ĉefplaco.
| Preĝejo de Ĉieliro de Maria | |
|---|---|
Preĝejo de Ĉieliro de Maria kun la premonstrata abatejo en Csorna | |
| kristana preĝejo | |
| Loko | |
| Ŝtato | Hungario |
| Municipo | Csorna |
| Bazaj informoj | |
| Religio | kristanismo |
| Rito | romkatolika eklezio |
| provinco | Győr-Moson-Sopron |
| diocezo | Győr |
| Arkitektura priskribo | |
| Konstruado | |
| Specifo | |
| Alto | 35 m (turo) |
| Konstrumaterialo | masonita |
| Ligiloj | |
La kirko konstruiĝis en tiu loko en la frua 13-a jarcento, poste incendioj okazis en 1242, 1401, 1561. Inter 1653-1675 ĝi plene trakonstruiĝis, inter 1774-1786 ĝi renoviĝis. En 1790 la preĝejo denove bruldetruiĝis, poste ĝi estis renovigita, poste iom pligrandigita. Komence de la 19-a jarcento la preĝejo estis barokigita.
La internaj mebloj kaj la predikejo estas barokaj. Nepre menciinda estas ŝtona reliefo pri Sankta Mikaelo el la 13-a jarcento. La ĉefaltara bildo prezentas Ĉieliron de Maria. La flankaj altaroj estas dediĉitaj al Sankta Norberto kaj Sankta Aŭgusteno.
Prepostejo estis fondita en la 1180-aj jaroj. Pro la reformacio la premonstranoj estis forigitaj, ili povis reveni en 1694. La ordeno estis forigita en 1786, sed en 1802 ili revenis. En 1950 la ordeno denove estis forigita, sed post fino de la socialismo ili revenis.
La abatejo estis konstruita ekde la 1700-aj jaroj, sed baldaŭe oni ofte konstruis aldonajn partojn. La kapelo de Johano Nepomuko estis preta en la 19-a jarcento. En la ŝtuparejo estas videblaj 4 skulptaĵoj el la 19-a jarcento. Nuntempe ankaŭ muzeo funkcias tie.
Oni portis el Moravio apud la ĉefaltaron sanktan bildon en 1757. Tio estas kopiaĵo de bildo en Czestochowa. Baldaŭe okazis miraklaj resaniĝoj. En 1790 la bildo ne cindriĝis, tial ankaŭ tio tiris ankaŭ novajn pilgrimantojn. Aparte menciindaj resaniĝoj en 1761, 1763 kaj 1948.
Kermeso okazas la 15-an de aŭgusto. Por la sankta bildo estas aparta kermeso en la lasta dimanĉo de majo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
